헬라어 문장 검색 - Αεσξηψ́Ευμενιδ́01́

(아이스킬로스, 에우메니데스, episode)

πρῶτον μὲν εὐχῇ τῇδε πρεσβεύω θεῶν τὴν πρωτόμαντιν Γαῖαν· Διὸσ προφήτησ δ’ ἐστὶ Λοξίασ πατρόσ. ἐκ δὲ τῆσ Θέμιν, ἣ δὴ τὸ μητρὸσ δευτέρα τόδ’ ἕζετο μαντεῖον, ὡσ λόγοσ τισ· ἐν δὲ τῷ τρίτῳ λάχει, θελούσησ, οὐδὲ πρὸσ βίαν τινόσ, Τιτανὶσ ἄλλη παῖσ Χθονὸσ καθέζετο, Φοίβη· δίδωσι δ’ ἣ γενέθλιον δόσιν Φοίβῳ· τὸ Φοίβησ δ’ ὄνομ’ ἔχει παρώνυμον. λιπὼν δὲ λίμνην Δηλίαν τε χοιράδα, κέλσασ ἐπ’ ἀκτὰσ ναυπόρουσ τὰσ Παλλάδοσ, ἐσ τήνδε γαῖαν ἦλθε Παρνησοῦ θ’ ἕδρασ. πέμπουσι δ’ αὐτὸν καὶ σεβίζουσιν μέγα κελευθοποιοὶ παῖδεσ Ἡφαίστου, χθόνα ἀνήμερον τιθέντεσ ἡμερωμένην. μολόντα δ’ αὐτὸν κάρτα τιμαλφεῖ λεώσ, Δελφόσ τε χώρασ τῆσδε πρυμνήτησ ἄναξ. τέχνησ δέ νιν Ζεὺσ ἔνθεον κτίσασ φρένα ἵζει τέταρτον τοῖσδε μάντιν ἐν θρόνοισ· τούτουσ ἐν εὐχαῖσ φροιμιάζομαι θεούσ.

Παλλὰσ προναία δ’ ἐν λόγοισ πρεσβεύεται· σέβω δὲ νύμφασ, ἔνθα Κωρυκὶσ πέτρα κοίλη, φίλορνισ, δαιμόνων ἀναστροφή· Βρόμιοσ ἔχει τὸν χῶρον, οὐδ’ ἀμνημονῶ, ἐξ οὗτε Βάκχαισ ἐστρατήγησεν θεόσ, λαγὼ δίκην Πενθεῖ καταρράψασ μόρον· Πλειστοῦ τε πηγὰσ καὶ Ποσειδῶνοσ κράτοσ καλοῦσα καὶ τέλειον ὕψιστον Δία, ἔπειτα μάντισ ἐσ θρόνουσ καθιζάνω. καὶ νῦν τυχεῖν με τῶν πρὶν εἰσόδων μακρῷ ἄριστα δοῖεν· κεἰ παρ’ Ἑλλήνων τινέσ, ἴτων πάλῳ λαχόντεσ, ὡσ νομίζεται. μαντεύομαι γὰρ ὡσ ἂν ἡγῆται θεόσ. ἦ δεινὰ λέξαι, δεινὰ δ’ ὀφθαλμοῖσ δρακεῖν, πάλιν μ’ ἔπεμψεν ἐκ δόμων τῶν Λοξίου, ὡσ μήτε σωκεῖν μήτε μ’ ἀκταίνειν βάσιν, τρέχω δὲ χερσίν, οὐ ποδωκείᾳ σκελῶν·

δείσασα γὰρ γραῦσ οὐδέν, ἀντίπαισ μὲν οὖν. ἐγὼ μὲν ἑρ́πω πρὸσ πολυστεφῆ μυχόν·

ὁρῶ δ’ ἐπ’ ὀμφαλῷ μὲν ἄνδρα θεομυσῆ ἕδραν ἔχοντα προστρόπαιον, αἵματι στάζοντα χεῖρασ καὶ νεοσπαδὲσ ξίφοσ ἔχοντ’ ἐλαίασ θ’ ὑψιγέννητον κλάδον, λήνει μεγίστῳ σωφρόνωσ ἐστεμμένον, ἀργῆτι μαλλῷ· τῇδε γὰρ τρανῶσ ἐρῶ. πρόσθεν δὲ τἀνδρὸσ τοῦδε θαυμαστὸσ λόχοσ εὕδει γυναικῶν ἐν θρόνοισιν ἥμενοσ.

οὔτοι γυναῖκασ, ἀλλὰ Γοργόνασ λέγω, οὐδ’ αὖτε Γοργείοισιν εἰκάσω τύποισ. εἶδόν ποτ’ ἤδη Φινέωσ γεγραμμένασ δεῖπνον φερούσασ· ἄπτεροί γε μὴν ἰδεῖν αὗται, μέλαιναι δ’ ἐσ τὸ πᾶν βδελύκτροποι· ῥέγκουσι δ’ οὐ πλατοῖσι φυσιάμασιν· ἐκ δ’ ὀμμάτων λείβουσι δυσφιλῆ λίβα· καὶ κόσμοσ οὔτε πρὸσ θεῶν ἀγάλματα φέρειν δίκαιοσ οὔτ’ ἐσ ἀνθρώπων στέγασ. τὸ φῦλον οὐκ ὄπωπα τῆσδ’ ὁμιλίασ οὐδ’ ἥτισ αἰᾶ τοῦτ’ ἐπεύχεται γένοσ τρέφουσ’ ἀνατεὶ μὴ μεταστένειν πόνον. τἀντεῦθεν ἤδη τῶνδε δεσπότῃ δόμων αὐτῷ μελέσθω Λοξίᾳ μεγασθενεῖ.

ἰατρόμαντισ δ’ ἐστὶ καὶ τερασκόποσ καὶ τοῖσιν ἄλλοισ δωμάτων καθάρσιοσ. οὔτοι προδώσω·

διὰ τέλουσ δέ σοι φύλαξ ἐγγὺσ παρεστὼσ καὶ πρόσω δ’ ἀποστατῶν ἐχθροῖσι τοῖσ σοῖσ οὐ γενήσομαι πέπων. καὶ νῦν ἁλούσασ τάσδε τὰσ μάργουσ ὁρᾷσ· ὕπνῳ πεσοῦσαι δ’ αἱ κατάπτυστοι κόραι, γραῖαι παλαιαὶ παῖδεσ, αἷσ οὐ μείγνυται θεῶν τισ οὐδ’ ἄνθρωποσ οὐδὲ θήρ ποτε. κακῶν δ’ ἕκατι κἀγένοντ’, ἐπεὶ κακὸν σκότον νέμονται Τάρταρόν θ’ ὑπὸ χθονόσ, μισήματ’ ἀνδρῶν καὶ θεῶν Ὀλυμπίων. ὅμωσ δὲ φεῦγε μηδὲ μαλθακὸσ γένῃ. ἐλῶσι γάρ σε καὶ δι’ ἠπείρου μακρᾶσ βιβῶντ’ ἀν’ αἰεὶ τὴν πλανοστιβῆ χθόνα ὑπέρ τε πόντον καὶ περιρρύτασ πόλεισ. καὶ μὴ πρόκαμνε τόνδε βουκολούμενοσ πόνον· μολὼν δὲ Παλλάδοσ ποτὶ πτόλιν ἵζου παλαιὸν ἄγκαθεν λαβὼν βρέτασ. κἀκεῖ δικαστὰσ τῶνδε καὶ θελκτηρίουσ μύθουσ ἔχοντεσ μηχανὰσ εὑρήσομεν, ὥστ’ ἐσ τὸ πᾶν σε τῶνδ’ ἀπαλλάξαι πόνων· καὶ γὰρ κτανεῖν σ’ ἔπεισα μητρῷον δέμασ. ἄναξ Ἄπολλον, οἶσθα μὲν τὸ μὴ ’δικεῖν· ἐπεὶ δ’ ἐπίστᾳ, καὶ τὸ μὴ ’μελεῖν μάθε. σθένοσ δὲ ποιεῖν εὖ φερέγγυον τὸ σόν. μέμνησο, μὴ φόβοσ σε νικάτω φρένασ. σὺ δ’, αὐτάδελφον αἷμα καὶ κοινοῦ πατρόσ, Ἑρμῆ, φύλασσε· κάρτα δ’ ὢν ἐπώνυμοσ πομπαῖοσ ἴσθι, τόνδε ποιμαίνων ἐμὸν ἱκέτην ‐ σέβει τοι Ζεὺσ τόδ’ ἐκνόμων σέβασ ‐ ὁρμώμενον βροτοῖσιν εὐπόμπῳ τύχῃ. εὕδοιτ’ ἄν, ὠή, καὶ καθευδουσῶν τί δεῖ;

ἐγὼ δ’ ὑφ’ ὑμῶν ὧδ’ ἀπητιμασμένη ἄλλοισιν ἐν νεκροῖσιν, ὧν μὲν ἔκτανον ὄνειδοσ ἐν φθιτοῖσιν οὐκ ἐκλείπεται, αἰσχρῶσ δ’ ἀλῶμαι· προυννέπω δ’ ὑμῖν ὅτι ἔχω μεγίστην αἰτίαν κείνων ὕπο· παθοῦσα δ’ οὕτω δεινὰ πρὸσ τῶν φιλτάτων, οὐδεὶσ ὑπέρ μου δαιμόνων μηνίεται, κατασφαγείσησ πρὸσ χερῶν μητροκτόνων. ὁρᾶτε πληγὰσ τάσδε καρδίασ ὅθεν. εὕδουσα γὰρ φρὴν ὄμμασιν λαμπρύνεται, ἐν ἡμέρᾳ δὲ μοῖρ’ ἀπρόσκοποσ βροτῶν. ἦ πολλὰ μὲν δὴ τῶν ἐμῶν ἐλείξατε, χοάσ τ’ ἀοίνουσ, νηφάλια μειλίγματα, καὶ νυκτίσεμνα δεῖπν’ ἐπ’ ἐσχάρᾳ πυρὸσ ἔθυον, ὡρ́αν οὐδενὸσ κοινὴν θεῶν.

καὶ πάντα ταῦτα λὰξ ὁρῶ πατούμενα. ὁ δ’ ἐξαλύξασ οἴχεται νεβροῦ δίκην, καὶ ταῦτα κούφωσ ἐκ μέσων ἀρκυστάτων ὤρουσεν ὑμῖν ἐγκατιλλώψασ μέγα. ἀκούσαθ’ ὡσ ἔλεξα τῆσ ἐμῆσ περὶ ψυχῆσ, φρονήσατ’, ὦ κατὰ χθονὸσ θεαί. ὄναρ γὰρ ὑμᾶσ νῦν Κλυταιμήστρα καλῶ. μυγμόσ. μύζοιτ’ ἄν, ἁνὴρ δ’ οἴχεται φεύγων πρόσω· φίλοι γάρ εἰσιν οὐκ ἐμοῖσ προσεικότεσ. μυγμόσ. ἄγαν ὑπνώσσεισ κοὐ κατοικτίζεισ πάθοσ· φονεὺσ δ’ Ὀρέστησ τῆσδε μητρὸσ οἴχεται. ὠγμόσ. ᾤζεισ, ὑπνώσσεισ· οὐκ ἀναστήσῃ τάχοσ; τί σοι πέπρωται πρᾶγμα πλὴν τεύχειν κακά; ὠγμόσ. ὕπνοσ πόνοσ τε κύριοι συνωμόται δεινῆσ δρακαίνησ ἐξεκήραναν μένοσ. μυγμὸσ διπλοῦσ ὀξύσ. λαβὲ λαβὲ λαβὲ λαβέ, φράζου. ὄναρ διώκεισ θῆρα, κλαγγαίνεισ δ’ ἅπερ κύων μέριμναν οὔποτ’ ἐκλείπων πόνου.

τί δρᾷσ; ἀνίστω, μή σε νικάτω πόνοσ, μηδ’ ἀγνοήσῃσ πῆμα μαλθαχθεῖσ’ ὕπνῳ. ἄλγησον ἧπαρ ἐνδίκοισ ὀνείδεσιν· τοῖσ σώφροσιν γὰρ ἀντίκεντρα γίγνεται. σὺ δ’ αἱματηρὸν πνεῦμ’ ἐπουρίσασα τῷ, ἀτμῷ κατισχναίνουσα, νηδύοσ πυρί, ἕπου, μάραινε δευτέροισ διώγμασιν. ἔγειρ’, ἔγειρε καὶ σὺ τήνδ’, ἐγὼ δὲ σέ. εὕδεισ; ἀνίστω, κἀπολακτίσασ’ ὕπνον, ἰδώμεθ’ εἴ τι τοῦδε φροιμίου ματᾷ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aeschylus, Eumenides, episode

(아이스킬로스, 에우메니데스, episode)

상위

목록

SEARCH

MENU NAVIGATION