Aeschylus, Agamemnon, episode, close

(아이스킬로스, 아가멤논, episode, close)

ἀλλ’ ἐπεὶ δοκεῖσ τάδ’ ἔρδειν καὶ λέγειν, γνώσῃ τάχα εἰᾶ δή, φίλοι λοχῖται, τοὔργον οὐχ ἑκὰσ τόδε. εἰᾶ δή, ξίφοσ πρόκωπον πᾶσ τισ εὐτρεπιζέτω. ἀλλὰ κἀγὼ μὴν πρόκωποσ οὐκ ἀναίνομαι θανεῖν. δεχομένοισ λέγεισ θανεῖν σε· τὴν τύχην δ’ αἱρούμεθα. μηδαμῶσ, ὦ φίλτατ’ ἀνδρῶν, ἄλλα δράσωμεν κακά. ἀλλὰ καὶ τάδ’ ἐξαμῆσαι πολλά, δύστηνον θέροσ. πημονῆσ δ’ ἅλισ γ’ ὑπάρχει· μηδὲν αἱματώμεθα. στείχετ’ αἰδοῖοι γέροντεσ πρὸσ δόμουσ, πεπρωμένοισ τούσδε πρὶν παθεῖν εἴξαντεσ ὡρ́ᾳ· χρῆν τάδ’ ὡσ ἐπράξαμεν. εἰ δέ τοι μόχθων γένοιτο τῶνδ’ ἅλισ, δεχοίμεθ’ ἄν, δαίμονοσ χηλῇ βαρείᾳ δυστυχῶσ πεπληγμένοι. ὧδ’ ἔχει λόγοσ γυναικόσ, εἴ τισ ἀξιοῖ μαθεῖν. ἀλλὰ τούσδ’ ἐμοὶ ματαίαν γλῶσσαν ὧδ’ ἀπανθίσαι κἀκβαλεῖν ἔπη τοιαῦτα δαίμονοσ πειρωμένουσ, σώφρονοσ γνώμησ θ’ ἁμαρτεῖν τὸν κρατοῦντά <θ’ ὑβρίσαι>. οὐκ ἂν Ἀργείων τόδ’ εἰή, φῶτα προσσαίνειν κακόν. ἀλλ’ ἐγώ σ’ ἐν ὑστέραισιν ἡμέραισ μέτειμ’ ἔτι. οὔκ, ἐὰν δαίμων, Ὀρέστην δεῦρ’ ἀπευθύνῃ μολεῖν. οἶδ’ ἐγὼ φεύγοντασ ἄνδρασ ἐλπίδασ σιτουμένουσ. πρᾶσσε, πιαίνου, μιαίνων τὴν δίκην, ἐπεὶ πάρα. ἴσθι μοι δώσων ἄποινα τῆσδε μωρίασ χάριν. κόμπασον θαρσῶν, ἀλέκτωρ ὥστε θηλείασ πέλασ. μὴ προτιμήσῃσ ματαίων τῶνδ’ ὑλαγμάτων· <ἐγὼ> καὶ σὺ θήσομεν κρατοῦντε τῶνδε δωμάτων <καλῶσ>.

상위

Agamemnon (아가멤논)

목록

일치하는 문장이 없습니다.

SEARCH

MENU NAVIGATION