Aeschylus, Agamemnon, choral, antistrophe 1 1:

βιᾶται δ’ ἁ τάλαινα πειθώ, προβούλου παῖσ ἄφερτοσ ἄτασ. ἄκοσ δὲ πᾶν μάταιον. οὐκ ἐκρύφθη, πρέπει δέ, φῶσ αἰνολαμπέσ, σίνοσ· κακοῦ δὲ χαλκοῦ τρόπον τρίβῳ τε καὶ προσβολαῖσ μελαμπαγὴσ πέλει δικαιωθείσ, ἐπεὶ διώκει παῖσ ποτανὸν ὄρνιν, πόλει πρόστριμμ’ ἄφερτον ἐνθείσ. λιτᾶν δ’ ἀκούει μὲν οὔτισ θεῶν· τὸν δ’ ἐπίστροφον τῶν φῶτ’ ἄδικον καθαιρεῖ. οἱο͂σ καὶ Πάρισ ἐλθὼν ἐσ δόμον τὸν Ἀτρειδᾶν ᾔσχυνε ξενίαν τράπε‐ ζαν κλοπαῖσι γυναικόσ.