Aeschylus, Agamemnon, episode 1:

(아이스킬로스, 아가멤논, episode 1:)

Ἥφαιστοσ Ἴδησ λαμπρὸν ἐκπέμπων σέλασ. φρυκτὸσ δὲ φρυκτὸν δεῦρ’ ἀπ’ ἀγγάρου πυρὸσ ἔπεμπεν· Ἴδη μὲν πρὸσ Ἑρμαῖον λέπασ Λήμνου· μέγαν δὲ πανὸν ἐκ νήσου τρίτον Ἀθῷον αἶποσ Ζηνὸσ ἐξεδέξατο, ὑπερτελήσ τε, πόντον ὥστε νωτίσαι, ἰσχὺσ πορευτοῦ λαμπάδοσ πρὸσ ἡδονὴν πεύκη τὸ χρυσοφεγγέσ, ὥσ τισ ἥλιοσ, σέλασ παραγγείλασα Μακίστου σκοπαῖσ· ὁ δ’ οὔτι μέλλων οὐδ’ ἀφρασμόνωσ ὕπνῳ νικώμενοσ παρῆκεν ἀγγέλου μέροσ· ἑκὰσ δὲ φρυκτοῦ φῶσ ἐπ’ Εὐρίπου ῥοὰσ Μεσσαπίου φύλαξι σημαίνει μολόν. οἱ δ’ ἀντέλαμψαν καὶ παρήγγειλαν πρόσω γραίασ ἐρείκησ θωμὸν ἅψαντεσ πυρί. σθένουσα λαμπὰσ δ’ οὐδέπω μαυρουμένη, ὑπερθοροῦσα πεδίον Ἀσωποῦ, δίκην φαιδρᾶσ σελήνησ, πρὸσ Κιθαιρῶνοσ λέπασ ἤγειρεν ἄλλην ἐκδοχὴν πομποῦ πυρόσ. φάοσ δὲ τηλέπομπον οὐκ ἠναίνετο φρουρὰ πλέον καίουσα τῶν εἰρημένων· λίμνην δ’ ὑπὲρ Γοργῶπιν ἔσκηψεν φάοσ· ὄροσ τ’ ἐπ’ Αἰγίπλαγκτον ἐξικνούμενον ὤτρυνε θεσμὸν μὴ χρονίζεσθαι πυρόσ. πέμπουσι δ’ ἀνδαίοντεσ ἀφθόνῳ μένει φλογὸσ μέγαν πώγωνα, καὶ Σαρωνικοῦ πορθμοῦ κάτοπτον πρῶν’ ὑπερβάλλειν πρόσω φλέγουσαν· ἔστ’ ἔσκηψεν εὖτ’ ἀφίκετο Ἀραχναῖον αἶποσ, ἀστυγείτονασ σκοπάσ· κἄπειτ’ Ἀτρειδῶν ἐσ τόδε σκήπτει στέγοσ φάοσ τόδ’ οὐκ ἄπαππον Ἰδαίου πυρόσ. τοιοίδε τοί μοι λαμπαδηφόρων νόμοι, ἄλλοσ παρ’ ἄλλου διαδοχαῖσ πληρούμενοι· νικᾷ δ’ ὁ πρῶτοσ καὶ τελευταῖοσ δραμών. τέκμαρ τοιοῦτον σύμβολόν τέ σοι λέγω ἀνδρὸσ παραγγείλαντοσ ἐκ Τροίασ ἐμοί. θεοῖσ μὲν αὖθισ, ὦ γύναι, προσεύξομαι. λόγουσ δ’ ἀκοῦσαι τούσδε κἀποθαυμάσαι διηνεκῶσ θέλοιμ’ ἂν ὡσ λέγοισ πάλιν.

상위

Agamemnon (아가멤논)

목록

일치하는 문장이 없습니다.

SEARCH

MENU NAVIGATION