Aeschylus, Agamemnon, episode, anapests

δέκατον μὲν ἔτοσ τόδ’ ἐπεὶ Πριάμου μέγασ ἀντίδικοσ, Μενέλαοσ ἄναξ ἠδ’ Ἀγαμέμνων, διθρόνου Διόθεν καὶ δισκήπτρου τιμῆσ ὀχυρὸν ζεῦγοσ Ἀτρειδᾶν στόλον Ἀργείων χιλιοναύτην, τῆσδ’ ἀπὸ χώρασ ἦραν, στρατιῶτιν ἀρωγὰν, μέγαν ἐκ θυμοῦ κλάζοντεσ Ἄρη τρόπον αἰγυπιῶν, οἵτ’ ἐκπατίοισ ἄλγεσι παίδων ὕπατοι λεχέων στροφοδινοῦνται πτερύγων ἐρετμοῖσιν ἐρεσσόμενοι, δεμνιοτήρη πόνον ὀρταλίχων ὀλέσαντεσ·