헬라어 문장 검색 - ΧενοπήΜινορΩό3́15́

(크세노폰, Minor Works, Λακεδαιμονίων Πολιτεία, chapter 15)

βούλομαι δὲ καὶ ἃσ βασιλεῖ πρὸσ τὴν πόλιν συνθήκασ ὁ Λυκοῦργοσ ἐποίησε διηγήσασθαι· μόνη γὰρ δὴ αὕτη ἀρχὴ διατελεῖ οἱάπερ ἐξ ἀρχῆσ κατεστάθη· τὰσ δὲ ἄλλασ πολιτείασ εὑρ́οι ἄν τισ μετακεκινημένασ καὶ ἔτι καὶ νῦν μετακινουμένασ. ἔθηκε γὰρ θύειν μὲν βασιλέα πρὸ τῆσ πόλεωσ τὰ δημόσια ἅπαντα, ὡσ ἀπὸ τοῦ θεοῦ ὄντα, καὶ στρατιὰν ὅποι ἂν ἡ πόλισ ἐκπέμπῃ ἡγεῖσθαι.

ἔδωκε δὲ καὶ γέρα ἀπὸ τῶν θυομένων λαμβάνειν, καὶ γῆν δὲ ἐν πολλαῖσ τῶν περιοίκων πόλεων ἀπέδειξεν ἐξαίρετον τοσαύτην ὥστε μήτ’ ἐνδεῖσθαι τῶν μετρίων μήτε πλούτῳ ὑπερφέρειν.

ὅπωσ δὲ καὶ οἱ βασιλεῖσ ἔξω σκηνοῖεν, σκηνὴν αὐτοῖσ δημοσίαν ἀπέδειξε, καὶ διμοιρίᾳ γε ἐπὶ τῷ δείπνῳ ἐτίμησεν, οὐχ ἵνα διπλάσια καταφάγοιεν, ἀλλ’ ἵνα καὶ ἀπὸ τοῦδε τιμῆσαι ἔχοιεν εἴ τινα βούλοιντο.

ἔδωκε δ’ αὖ καὶ συσκήνουσ δύο ἑκατέρῳ προσελέσθαι, οἳ δὴ καὶ Πύθιοι καλοῦνται.

ἔδωκε δὲ καὶ πασῶν τῶν συῶν ἀπὸ τόκου χοῖρον λαμβάνειν, ὡσ μήποτε ἀπορήσαι βασιλεὺσ ἱερῶν, ἤν τι δεηθῇ θεοῖσ συμβουλεύσασθαι. καὶ πρὸσ τῇ οἰκίᾳ δὲ λίμνη ὕδατοσ <ἀφθονίαν> παρέχει·

ὅτι δὲ καὶ τοῦτο πρὸσ πολλὰ χρήσιμον, οἱ μὴ ἔχοντεσ αὐτὸ μᾶλλον γιγνώσκουσι. καὶ ἕδρασ δὲ πάντεσ ὑπανίστανται βασιλεῖ, πλὴν οὐκ ἔφοροι ἀπὸ τῶν ἐφορικῶν δίφρων. καὶ ὁρ́κουσ δὲ ἀλλήλοισ κατὰ μῆνα ποιοῦνται, ἔφοροι μὲν ὑπὲρ τῆσ πόλεωσ, βασιλεὺσ δὲ ὑπὲρ ἑαυτοῦ.

ὁ δὲ ὁρ́κοσ ἐστὶ τῷ μὲν βασιλεῖ κατὰ τοὺσ τῆσ πόλεωσ κειμένουσ νόμουσ βασιλεύσειν, τῇ δὲ πόλει ἐμπεδορκοῦντοσ ἐκείνου ἀστυφέλικτον τὴν βασιλείαν παρέξειν. αὗται μὲν οὖν αἱ τιμαὶ οἴκοι ζῶντι βασιλεῖ δέδονται, οὐδέν τι πολὺ ὑπερφέρουσαι τῶν ἰδιωτικῶν·

οὐ γὰρ ἐβουλήθη οὔτε τοῖσ βασιλεῦσι τυραννικὸν φρόνημα παραστῆσαι οὔτε τοῖσ πολίταισ φθόνον ἐμποιῆσαι τῆσ δυνάμεωσ. αἳ δὲ τελευτήσαντι τιμαὶ βασιλεῖ δέδονται, τῇδε βούλονται δηλοῦν οἱ Λυκούργου νόμοι ὅτι οὐχ ὡσ ἀνθρώπουσ ἀλλ’ ὡσ ἡρ́ωασ τοὺσ Λακεδαιμονίων βασιλεῖσ προτετιμήκασι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Minor Works, Λακεδαιμονίων Πολιτεία, chapter 15

(크세노폰, Minor Works, Λακεδαιμονίων Πολιτεία, chapter 15)

상위

목록

SEARCH

MENU NAVIGATION