헬라어 문장 검색 - ΧενοπήΜινορΩό3́04́

(크세노폰, Minor Works, Λακεδαιμονίων Πολιτεία, chapter 4)

περί γε μὴν τῶν ἡβώντων πολὺ μάλιστα ἐσπούδασε, νομίζων τούτουσ, εἰ γένοιντο οἱούσ δεῖ, πλεῖστον ῥέπειν ἐπὶ τὸ ἀγαθὸν τῇ πόλει. ὁρῶν οὖν, οἷσ ἂν μάλιστα φιλονικία ἐγγένηται, τούτων καὶ χοροὺσ ἀξιακροατοτάτουσ γιγνομένουσ καὶ γυμνικοὺσ ἀγῶνασ ἀξιοθεατοτάτουσ, ἐνόμιζεν, εἰ καὶ τοὺσ ἡβῶντασ συμβάλλοι εἰσ ἔριν περὶ ἀρετῆσ, οὕτωσ ἂν καὶ τούτουσ ἐπὶ πλεῖστον ἀφικνεῖσθαι ἀνδραγαθίασ.

ὡσ οὖν τούτουσ αὖ συνέβαλεν, ἐξηγήσομαι. αἱροῦνται τοίνυν αὐτῶν οἱ ἔφοροι ἐκ τῶν ἀκμαζόντων τρεῖσ ἄνδρασ·

οὗτοι δὲ ἱππαγρέται καλοῦνται. τούτων δ’ ἕκαστοσ ἄνδρασ ἑκατὸν καταλέγει, διασαφηνίζων ὅτου ἕνεκα τοὺσ μὲν προτιμᾷ, τοὺσ δὲ ἀποδοκιμάζει. οἱ οὖν μὴ τυγχάνοντεσ τῶν καλῶν πολεμοῦσι τοῖσ τε ἀποστείλασιν αὐτοὺσ καὶ τοῖσ αἱρεθεῖσιν ἀνθ’ αὑτῶν καὶ παραφυλάττουσιν ἀλλήλουσ, ἐάν τι παρὰ τὰ καλὰ νομιζόμενα ῥᾳδιουργῶσι.

καὶ αὕτη δὴ γίγνεται ἡ θεοφιλεστάτη τε καὶ πολιτικωτάτη ἔρισ, ἐν ᾗ ἀποδέδεικται μὲν ἃ δεῖ ποιεῖν τὸν ἀγαθόν, χωρὶσ δ’ ἑκάτεροι ἀσκοῦσιν ὅπωσ ἀεὶ κράτιστοι ἔσονται, ἐὰν δέ τι δέῃ, καθ’ ἕνα ἀρήξουσι τῇ πόλει παντὶ σθένει ἄν.

ἀνάγκη δ’ αὐτοῖσ καὶ εὐεξίασ ἐπιμελεῖσθαι.

καὶ γὰρ πυκτεύουσι διὰ τὴν ἔριν ὅπου ἂν συμβάλωσι· διαλύειν μέντοι τοὺσ μαχομένουσ πᾶσ ὁ παραγενόμενοσ κύριοσ. ἢν δέ τισ ἀπειθῇ τῷ διαλύοντι, ἄγει αὐτὸν ὁ παιδονόμοσ ἐπὶ τοὺσ ἐφόρουσ· οἱ δὲ ζημιοῦσι μεγαλείωσ, καθιστάναι βουλόμενοι εἰσ τὸ μήποτε ὀργὴν τοῦ μὴ πείθεσθαι τοῖσ νόμοισ κρατῆσαι. τοῖσ γε μὴν τὴν ἡβητικὴν ἡλικίαν πεπερακόσιν, ἐξ ὧν ἤδη καὶ αἱ μέγισται ἀρχαὶ καθίστανται, οἱ μὲν ἄλλοι Ἕλληνεσ ἀφελόντεσ αὐτῶν τὸ ἰσχύοσ ἔτι ἐπιμελεῖσθαι στρατεύεσθαι ὅμωσ αὐτοῖσ ἐπιτάττουσιν, ὁ δὲ Λυκοῦργοσ τοῖσ τηλικούτοισ νόμιμον ἐποίησε κάλλιστον εἶναι τὸ θηρᾶν, εἰ μή τι δημόσιον κωλύοι, ὅπωσ δύναιντο καὶ οὗτοι μηδὲν ἧττον τῶν ἡβώντων στρατιωτικοὺσ πόνουσ ὑποφέρειν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Minor Works, Λακεδαιμονίων Πολιτεία, chapter 4

(크세노폰, Minor Works, Λακεδαιμονίων Πολιτεία, chapter 4)

상위

목록

SEARCH

MENU NAVIGATION