Strabo, Geography, book 17, chapter 1 51:

πλησίον δὲ τῆσ Ἀρσινόησ καὶ ἡ τῶν Ἡρώων ἐστὶ πόλισ καὶ ἡ Κλεοπατρὶσ ἐν τῷ μυχῷ τοῦ Ἀραβίου κόλπου τῷ πρὸσ Αἴγυπτον καὶ λιμένεσ καὶ κατοικίαι διώρυγέσ τε πλείουσ καὶ λίμναι πλησιάζουσαι τούτοισ· ἐνταῦθα δ’ ἐστὶ καὶ ὁ Φαγρωριοπολίτησ νομὸσ καὶ πόλισ Φαγρωριόπολισ. ἡ δὲ ἀρχὴ τῆσ διώρυγοσ τῆσ ἐκδιδούσησ εἰσ τὴν Ἐρυθρὰν ἀπὸ κώμησ ἄρχεται Φακούσησ, ᾗ συνεχήσ ἐστι καὶ ἡ Φίλωνοσ κώμη· πλάτοσ δ’ ἔχει πηχῶν ἑκατὸν ἡ διῶρυξ, βάθοσ δ’ ὅσον ἀρκεῖν μυριοφόρῳ νηί· οὗτοι δ’ οἱ τόποι πλησιάζουσι τῇ κορυφῇ τοῦ Δέλτα.