헬라어 문장 검색 - Σοπηοξ́Αντιγον́14́0́2́

(소포클레스, Antigone, episode 2:)

τάδ’ ἐξ ἀθύμου δεσπότου κελευσμάτων ἠθροῦμεν· ἐν δὲ λοισθίῳ τυμβεύματι τὴν μὲν κρεμαστὴν αὐχένοσ κατείδομεν, βρόχῳ μιτώδει σινδόνοσ καθημμένην, τὸν δ’ ἀμφὶ μέσσῃ περιπετῆ προσκείμενον, εὐνῆσ ἀποιμώζοντα τῆσ κάτω φθορὰν καὶ πατρὸσ ἔργα καὶ τὸ δύστηνον λέχοσ. ὁ δ’ ὡσ ὁρᾷ σφε, στυγνὸν οἰμώξασ ἔσω χωρεῖ πρὸσ αὐτὸν κἀνακωκύσασ καλεῖ· ὦ τλῆμον, οἱο͂ν ἔργον εἴργασαι· τίνα νοῦν ἔσχεσ; ἐν τῷ συμφορᾶσ διεφθάρησ; ἔξελθε, τέκνον, ἱκέσιόσ σε λίσσομαι. τὸν δ’ ἀγρίοισ ὄσσοισι παπτήνασ ὁ παῖσ, πτύσασ προσώπῳ κοὐδὲν ἀντειπών, ξίφουσ ἕλκει διπλοῦσ κνώδοντασ. ἐκ δ’ ὁρμωμένου πατρὸσ φυγαῖσιν ἤμπλακ’· εἶθ’ ὁ δύσμοροσ αὑτῷ χολωθείσ, ὥσπερ εἶχ’, ἐπενταθεὶσ ἤρεισε πλευραῖσ μέσσον ἔγχοσ, ἐσ δ’ ὑγρὸν ἀγκῶν’ ἔτ’ ἔμφρων παρθένῳ προσπτύσσεται. καὶ φυσιῶν ὀξεῖαν ἐκβάλλει ῥοὴν λευκῇ παρειᾷ φοινίου σταλάγματοσ. κεῖται δὲ νεκρὸσ περὶ νεκρῷ, τὰ νυμφικὰ τέλη λαχὼν δείλαιοσ εἰν Αἵδου δόμοισ, δείξασ ἐν ἀνθρώποισι τὴν ἀβουλίαν ὅσῳ μέγιστον ἀνδρὶ πρόσκειται κακόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Sophocles, Antigone, episode 2:

(소포클레스, Antigone, episode 2:)

상위

목록

SEARCH

MENU NAVIGATION