헬라어 문장 검색 - ΠολψβίΗιστορί25́003́

(폴리비오스, Histories, book 25, b. olymp. 150, 2. res macedoniae)

Ὅτι Περσεὺσ ἀνανεωσάμενοσ τὴν φιλίαν τὴν πρὸσ Ῥωμαίουσ εὐθέωσ ἑλληνοκοπεῖν ἐπεβάλετο, κατακαλῶν εἰσ τὴν Μακεδονίαν καὶ τοὺσ τὰ χρέα φεύγοντασ καὶ τοὺσ πρὸσ καταδίκασ ἐκπεπτωκότασ καὶ τοὺσ ἐπὶ βασιλικοῖσ ἐγκλήμασι παρακεχωρηκότασ. καὶ τούτων ἐξετίθει προγραφὰσ εἴσ τε Δῆλον καὶ Δελφοὺσ καὶ τὸ τῆσ Ἰτωνίασ Ἀθηνᾶσ ἱερόν, διδοὺσ οὐ μόνον τὴν ἀσφάλειαν τοῖσ καταπορευομένοισ, ἀλλὰ καὶ τῶν ὑπαρχόντων κομιδήν, ἀφ’ ὧν ἕκαστοσ ἔφυγε.

παρέλυσε δὲ καὶ τοὺσ ἐν αὐτῇ τῇ Μακεδονίᾳ τῶν βασιλικῶν ὀφειλημάτων, ἀφῆκε δὲ καὶ τοὺσ ἐν ταῖσ φυλακαῖσ ἐγκεκλεισμένουσ ἐπὶ βασιλικαῖσ αἰτίαισ.

ταῦτα δὲ ποιήσασ πολλοὺσ ἐμετεώρισε, δοκῶν καλὰσ ἐλπίδασ ὑποδεικνύναι πᾶσι τοῖσ Ἕλλησιν ἐν αὑτῷ.

ἐπέφαινε δὲ καὶ κατὰ τὴν ἐν τῷ λοιπῷ βίῳ προστασίαν τὸ τῆσ βασιλείασ ἀξίωμα.

κατά τε γὰρ τὴν ἐπιφάνειαν ἦν ἱκανὸσ καὶ πρὸσ πᾶσαν σωματικὴν χρείαν τὴν διατείνουσαν εἰσ τὸν πραγματικὸν τρόπον εὔθετοσ, κατά τε τὴν ἐπίφασιν εἶχεν ἐπισκύνιον καὶ τάξιν οὐκ ἀνοίκειον τῆσ ἡλικίασ.

ἐπεφεύγει δὲ καὶ τὴν πατρικὴν ἀσέλγειαν τήν τε περὶ τὰσ γυναῖκασ καὶ τὴν περὶ τοὺσ πότουσ, καὶ οὐ μόνον αὐτὸσ μέτριον ἔπινε δειπνῶν, ἀλλὰ καὶ οἱ συνόντεσ αὐτῷ φίλοι.

καὶ τὰ μὲν προοίμια τῆσ Περσέωσ ἀρχῆσ τοιαύτην εἶχε διάθεσιν.

ὅτε μὲν ηὐξήθη καὶ τὴν κατὰ τῶν Ἑλλήνων ἐξουσίαν ἔλαβε, πάντων ἦν ἀπιστότατοσ καὶ παρανομώτατοσ, ὅτε δὲ πάλιν τὰ τῆσ τύχησ ἀντέπνευσε, πάντων μετριώτατοσ.

ἐπεὶ δὲ τοῖσ ὅλοισ πράγμασιν ἔπταισε, πρὸσ πᾶν τὸ μέλλον ἁρμοζόμενοσ ἐπειρᾶτο κατὰ πάντα τρόπον σωματοποιεῖν τὴν αὑτοῦ βασιλείαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 25, b. olymp. 150, 2. res macedoniae

(폴리비오스, Histories, book 25, b. olymp. 150, 2. res macedoniae)

상위

목록

SEARCH

MENU NAVIGATION