Plato, Hippias Major, Hippias Minor, Ion, Menexenus, Cleitophon, Timaeus, Critias, Minos, Epinomis, Ἱππίασ μειζών 26:

παρανομοῦσιν ἄρα Λακεδαιμόνιοι οὐ διδόντεσ σοι χρυσίον καὶ ἐπιτρέποντεσ τοὺσ αὑτῶν ὑεῖσ. συγχωρῶ ταῦτα· δοκεῖσ γάρ μοι τὸν λόγον πρὸσ ἐμοῦ λέγειν, καὶ οὐδέν με δεῖ αὐτῷ ἐναντιοῦσθαι. παρανόμουσ μὲν δή, ὦ ἑταῖρε, τοὺσ Λάκωνασ εὑρίσκομεν, καὶ ταῦτ’ εἰσ τὰ μέγιστα, τοὺσ νομιμωτάτουσ δοκοῦντασ εἶναι. ἐπαινοῦσι δὲ δή σε πρὸσ θεῶν, ὦ Ἱππία, καὶ χαίρουσιν ἀκούοντεσ ποῖα; ἢ δῆλον δὴ ὅτι ἐκεῖνα ἃ σὺ κάλλιστα ἐπίστασαι, τὰ περὶ τὰ ἄστρα τε καὶ τὰ οὐράνια πάθη;