헬라어 문장 검색 - Ηομερ́ΙλιαδΓρ́18́0́040́

(호메로스, 일리아스, Book 18 40:)

τὸν δ’ ἠμείβετ’ ἔπειτα Θέτισ κατὰ δάκρυ χέουσα· Ἥφαιστ’, ἦ ἄρα δή τισ, ὅσαι θεαί εἰσ’ ἐν Ὀλύμπῳ, τοσσάδ’ ἐνὶ φρεσὶν ᾗσιν ἀνέσχετο κήδεα λυγρὰ ὅσσ’ ἐμοὶ ἐκ πασέων Κρονίδησ Ζεὺσ ἄλγε’ ἔδωκεν; ἐκ μέν μ’ ἀλλάων ἁλιάων ἀνδρὶ δάμασσεν Αἰακίδῃ Πηλῆϊ, καὶ ἔτλην ἀνέροσ εὐνὴν πολλὰ μάλ’ οὐκ ἐθέλουσα. ὃ μὲν δὴ γήραϊ λυγρῷ κεῖται ἐνὶ μεγάροισ ἀρημένοσ, ἄλλα δέ μοι νῦν, υἱὸν ἐπεί μοι δῶκε γενέσθαί τε τραφέμεν τε ἔξοχον ἡρώων· ὃ δ’ ἀνέδραμεν ἔρνεϊ ἶσοσ· τὸν μὲν ἐγὼ θρέψασα φυτὸν ὣσ γουνῷ ἀλωῆσ νηυσὶν ἐπιπροέηκα κορωνίσιν Ἴλιον εἴσω Τρωσὶ μαχησόμενον· τὸν δ’ οὐχ ὑποδέξομαι αὖτισ οἴκαδε νοστήσαντα δόμον Πηλήϊον εἴσω. ὄφρα δέ μοι ζώει καὶ ὁρᾷ φάοσ ἠελίοιο ἄχνυται, οὐδέ τί οἱ δύναμαι χραισμῆσαι ἰοῦσα. κούρην ἣν ἄρα οἱ γέρασ ἔξελον υἱε͂σ Ἀχαιῶν, τὴν ἂψ ἐκ χειρῶν ἕλετο κρείων Ἀγαμέμνων. ἤτοι ὃ τῆσ ἀχέων φρένασ ἔφθιεν· αὐτὰρ Ἀχαιοὺσ Τρῶεσ ἐπὶ πρύμνῃσιν ἐείλεον, οὐδὲ θύραζε εἰών ἐξιέναι· τὸν δὲ λίσσοντο γέροντεσ Ἀργείων, καὶ πολλὰ περικλυτὰ δῶρ’ ὀνόμαζον. ἔνθ’ αὐτὸσ μὲν ἔπειτ’ ἠναίνετο λοιγὸν ἀμῦναι, αὐτὰρ ὃ Πάτροκλον περὶ μὲν τὰ ἃ τεύχεα ἕσσε, πέμπε δέ μιν πόλεμον δέ, πολὺν δ’ ἅμα λαὸν ὄπασσε. πᾶν δ’ ἦμαρ μάρναντο περὶ Σκαιῇσι πύλῃσι· καί νύ κεν αὐτῆμαρ πόλιν ἔπραθον, εἰ μὴ Ἀπόλλων πολλὰ κακὰ ῥέξαντα Μενοιτίου ἄλκιμον υἱὸν ἔκταν’ ἐνὶ προμάχοισι καὶ Ἕκτορι κῦδοσ ἔδωκε. τοὔνεκα νῦν τὰ σὰ γούναθ’ ἱκάνομαι, αἴ κ’ ἐθέλῃσθα υἱεῖ ἐμῷ ὠκυμόρῳ δόμεν ἀσπίδα καὶ τρυφάλειαν καὶ καλὰσ κνημῖδασ ἐπισφυρίοισ ἀραρυίασ καὶ θώρηχ’· ὃ γὰρ ἦν οἱ ἀπώλεσε πιστὸσ ἑταῖροσ Τρωσὶ δαμείσ· ὃ δὲ κεῖται ἐπὶ χθονὶ θυμὸν ἀχεύων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Homer, Iliad, Book 18 40:

(호메로스, 일리아스, Book 18 40:)

상위

목록

SEARCH

MENU NAVIGATION