Homer, Iliad, Book 14 39:

ὣσ ὃ μὲν ἀτρέμασ εὗδε πατὴρ ἀνὰ Γαργάρῳ ἄκρῳ, ὕπνῳ καὶ φιλότητι δαμείσ, ἔχε δ’ ἀγκὰσ ἄκοιτιν· βῆ δὲ θέειν ἐπὶ νῆασ Ἀχαιῶν νήδυμοσ Ὕπνοσ ἀγγελίην ἐρέων γαιηόχῳ ἐννοσιγαίῳ· ἀγχοῦ δ’ ἱστάμενοσ ἔπεα πτερόεντα προσηύδα· πρόφρων νῦν Δαναοῖσι Ποσείδαον ἐπάμυνε, καί σφιν κῦδοσ ὄπαζε μίνυνθά περ, ὄφρ’ ἔτι εὕδει Ζεύσ, ἐπεὶ αὐτῷ ἐγὼ μαλακὸν περὶ κῶμ’ ἐκάλυψα· Ἥρη δ’ ἐν φιλότητι παρήπαφεν εὐνηθῆναι.