헬라어 문장 검색 - ΕυριπίΡηεσυσ́6́2́

(에우리피데스, Rhesus, episode, iambics)

χαῖρ’, ἐσθλὸσ ἐσθλοῦ παῖσ, τύραννε τῆσδε γῆσ, Ἕκτορ· παλαιᾷ σ’ ἡμέρᾳ προσεννέπω. χαίρω δέ σ’ εὐτυχοῦντα καὶ προσήμενον πύργοισιν ἐχθρῶν· συγκατασκάψων δ’ ἐγὼ τείχη πάρειμι καὶ νεῶν πρήσων σκάφη. παῖ τῆσ μελῳδοῦ μητέροσ Μουσῶν μιᾶσ Θρῃκόσ τε ποταμοῦ Στρυμόνοσ, φιλῶ λέγειν τἀληθὲσ αἰεὶ κοὐ διπλοῦσ πέφυκ’ ἀνήρ. πάλαι πάλαι χρῆν τῇδε συγκάμνειν χθονὶ ἐλθόντα, καὶ μὴ τοὐπί σ’ Ἀργείων ὕπο Τροίαν ἐᾶσαι πολεμίῳ πεσεῖν δορί. οὐ γάρ τι λέξεισ ὡσ ἄκλητοσ ὢν φίλοισ οὐκ ἦλθεσ οὐδ’ ἤμυνασ οὐδ’ ἐπεστράφησ. τίσ γάρ σε κῆρυξ ἢ γερουσία Φρυγῶν ἐλθοῦσ’ ἀμύνειν οὐκ ἐπέσκηψεν πόλει; ποῖον δὲ δώρων κόσμον οὐκ ἐπέμψαμεν; σὺ δ’ ἐγγενὴσ ὢν βάρβαρόσ τε βαρβάρουσ Ἕλλησιν ἡμᾶσ προύπιεσ τὸ σὸν μέροσ. καίτοι σε μικρᾶσ ἐκ τυραννίδοσ μέγαν Θρῃκῶν ἄνακτα τῇδ’ ἔθηκ’ ἐγὼ χερί, ὅτ’ ἀμφὶ Πάγγαιόν τε Παιόνων τε γῆν Θρῃκῶν ἀρίστοισ ἐμπεσὼν κατὰ στόμα ἔρρηξα πέλτην, σοὶ δὲ δουλώσασ λεὼν παρέσχον· ὧν σὺ λακτίσασ πολλὴν χάριν, φίλων νοσούντων ὕστεροσ βοηδρομεῖσ. οἱ δ’ οὐδὲν ἡμῖν ἐν γένει πεφυκότεσ, πάλαι παρόντεσ, οἳ μὲν ἐν χωστοῖσ τάφοισ κεῖνται πεσόντεσ, πίστισ οὐ σμικρὰ πόλει, οἳ δ’ ἔν θ’ ὅπλοισι καὶ παρ’ ἱππείοισ ὄχοισ ψυχρὰν ἀήσιν δίψιόν τε πῦρ θεοῦ μένουσι καρτεροῦντεσ, οὐκ ἐν δεμνίοισ πυκνὴν ἄμυστιν ὡσ σὺ δεξιούμενοι. ταῦθ’, ὡσ ἂν εἰδῇσ Ἕκτορ’ ὄντ’ ἐλεύθερον, καὶ μέμφομαί σοι καὶ λέγω κατ’ ὄμμα σόν. τοιοῦτόσ εἰμι καὐτόσ, εὐθεῖαν λόγων τέμνων κέλευθον, κοὐ διπλοῦσ πέφυκ’ ἀνήρ. ἐγὼ δὲ μεῖζον ἢ σὺ τῆσδ’ ἀπὼν χθονὸσ λύπῃ πρὸσ ἧπαρ δυσφορῶν ἐτειρόμην· ἀλλ’ ἀγχιτέρμων γαῖά μοι, Σκύθησ λεώσ, μέλλοντι νόστον τὸν πρὸσ Ἴλιον περᾶν ξυνῆψε πόλεμον· Εὐξένου δ’ ἀφικόμην πόντου πρὸσ ἀκτάσ, Θρῇκα πορθμεύσων στρατόν. ἔνθ’ αἱματηρὸσ πέλανοσ ἐσ γαῖαν Σκύθησ ἠντλεῖτο λόγχῃ Θρῄξ τε συμμιγὴσ φόνοσ. τοιάδε τοί μ’ ἀπεῖργε συμφορὰ πέδον Τροίασ ἱκέσθαι σύμμαχόν τέ σοι μολεῖν. ἐπεὶ δ’ ἔπερσα, τῶνδ’ ὁμηρεύσασ τέκνα τάξασ <τ’> ἔτειον δασμὸν ἐσ δόμουσ φέρειν, ἥκω περάσασ ναυσὶ πόντιον στόμα, τὰ δ’ ἄλλα πεζὸσ γῆσ περῶν ὁρίσματα ‐ οὐχ ὡσ σὺ κομπεῖσ τὰσ ἐμὰσ ἀμύστιδασ, οὐδ’ ἐν ζαχρύσοισ δώμασιν κοιμώμενοσ, ἀλλ’ οἱᾶ πόντον Θρῄκιον φυσήματα κρυσταλλόπηκτα Παιόνασ τ’ ἐπεζάρει, ξὺν τοῖσδ’ ἀύπνοσ οἶδα τλὰσ πορπάμασιν. ἀλλ’ ὕστεροσ μὲν ἦλθον, ἐν καιρῷ δ’ ὅμωσ· σὺ μὲν γὰρ ἤδη δέκατον αἰχμάζεισ ἔτοσ κοὐδὲν περαίνεισ, ἡμέραν δ’ ἐξ ἡμέρασ πίπτεισ κυβεύων τὸν πρὸσ Ἀργείουσ Ἄρη· ἐμοὶ δὲ φῶσ ἓν ἡλίου καταρκέσει πέρσαντι πύργουσ ναυστάθμοισ ἐπεσπεσεῖν κτεῖναί τ’ Ἀχαιούσ· θατέρᾳ δ’ ἀπ’ Ἰλίου πρὸσ οἶκον εἶμι, συντεμὼν τοὺσ σοὺσ πόνουσ, ὑμῶν δὲ μή τισ ἀσπίδ’ ἄρηται χερί· ἐγὼ γὰρ ἕξω τοὺσ μέγ’ αὐχοῦντασ δορὶ πέρσασ Ἀχαιούσ, καίπερ ὕστεροσ μολών.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Euripides, Rhesus, episode, iambics

(에우리피데스, Rhesus, episode, iambics)

상위

목록

SEARCH

MENU NAVIGATION