Euripides, choral, antistrophe 1

‐ ἰὼ ἰὼ τύχα, ἕτερον εἰσ ἀγῶν’, ἕτερον αὖ δόμοσ φοβερὸν ἀμφὶ τοὺσ Ἀτρείδασ πίτνει. ‐ τί δρῶμεν; ἀγγέλλωμεν ἐσ πόλιν τάδε; ἢ σῖγ’ ἔχωμεν; ἀσφαλέστερον, φίλαι. ‐ ἴδε πρὸ δωμάτων ἴδε προκηρύσσει θοάζων ὅδ’ αἰθέροσ ἄνω καπνόσ. ‐ ἅπτουσι πεύκασ, ὡσ πυρώσοντεσ δόμουσ τοὺσ Τανταλείουσ, οὐδ’ ἀφίστανται φόνου. ‐ τέλοσ ἔχει δαίμων βροτοῖσ, τέλοσ ὅπᾳ θέλῃ. ‐ μεγάλα δέ τισ ἁ δύναμισ δι’ ἀλαστόρων ἔπεσ’ ἔπεσε μέλαθρα τάδε δι’ αἱμάτων διὰ τὸ Μυρτίλου πέσημ’ ἐκ δίφρου.