헬라어 문장 검색 - ΕυριπίΙπηιγεν́01́1́

(에우리피데스, Iphigenia in Aulis, episode, anapests)

Ὦ πρέσβυ, δόμων τῶνδε πάροιθεν στεῖχε. στείχω. τί δὲ καινουργεῖσ, Ἀγάμεμνον ἄναξ; σπεύσεισ; σπεύδω. μάλα τοι γῆρασ τοὐμὸν ἀύπνον καὶ ἐπ’ ὀφθαλμοῖσ ὀξὺ πάρεστιν. τίσ ποτ’ ἄρ’ ἀστὴρ ὅδε πορθμεύει; Σείριοσ ἐγγὺσ τῆσ ἑπταπόρου Πλειάδοσ ᾄσσων ἔτι μεσσήρησ. οὔκουν φθόγγοσ γ’ οὔτ’ ὀρνίθων οὔτε θαλάσσησ· σιγαὶ δ’ ἀνέμων τόνδε κατ’ Εὔριπον ἔχουσιν. τί δὲ σὺ σκηνῆσ ἐκτὸσ ἀίσσεισ, Ἀγάμεμνον ἄναξ; ἔτι δ’ ἡσυχία τῇδε κατ’ Αὖλιν καὶ ἀκίνητοι φυλακαὶ τειχέων. στείχωμεν ἔσω. ζηλῶ σέ, γέρον, ζηλῶ δ’ ἀνδρῶν ὃσ ἀκίνδυνον βίον ἐξεπέρασ’ ἀγνὼσ ἀκλεήσ· τοὺσ δ’ ἐν τιμαῖσ ἧσσον ζηλῶ. καὶ μὴν τὸ καλόν γ’ ἐνταῦθα βίου. τοῦτο δέ γ’ ἐστὶν τὸ καλὸν σφαλερόν, καὶ τὸ πρότιμον γλυκὺ μέν, λυπεῖ δὲ προσιστάμενον. τοτὲ μὲν τὰ θεῶν οὐκ ὀρθωθέντ’ ἀνέτρεψε βίον, τοτὲ δ’ ἀνθρώπων γνῶμαι πολλαὶ καὶ δυσάρεστοι διέκναισαν. οὐκ ἄγαμαι ταῦτ’ ἀνδρὸσ ἀριστέωσ. οὐκ ἐπὶ πᾶσίν σ’ ἐφύτευσ’ ἀγαθοῖσ, Ἀγάμεμνον, Ἀτρεύσ. δεῖ δέ σε χαίρειν καὶ λυπεῖσθαι· θνητὸσ γὰρ ἔφυσ. κἂν μὴ σὺ θέλῃσ, τὰ θεῶν οὕτω βουλόμεν’ ἔσται. σὺ δὲ λαμπτῆροσ φάοσ ἀμπετάσασ δέλτον τε γράφεισ τήνδ’ ἣν πρὸ χερῶν ἔτι βαστάζεισ, καὶ ταὐτὰ πάλιν γράμματα συγχεῖσ καὶ σφραγίζεισ λύεισ τ’ ὀπίσω ῥίπτεισ τε πέδῳ πεύκην, θαλερὸν κατὰ δάκρυ χέων, καὶ τῶν ἀπόρων οὐδενὸσ ἐνδεῖσ μὴ οὐ μαίνεσθαι. τί πονεῖσ; τί νέον περὶ σοί, βασιλεῦ; φέρε κοίνωσον μῦθον ἐσ ἡμᾶσ. πρὸσ <δ’> ἄνδρ’ ἀγαθὸν πιστόν τε φράσεισ· σῇ γάρ μ’ ἀλόχῳ τότε Τυνδάρεωσ πέμπει φερνὴν συννυμφοκόμον τε δίκαιον. πέμπω σοι πρὸσ ταῖσ πρόσθεν δέλτουσ, ὦ Λήδασ ἔρνοσ . . . λέγε καὶ σήμαιν’, ἵνα καὶ γλώσσῃ σύντονα τοῖσ σοῖσ γράμμασιν αὐδῶ. μὴ στέλλειν τὰν σὰν ἶνιν πρὸσ τὰν κολπώδη πτέρυγ’ Εὐβοίασ Αὖλιν ἀκλύσταν. εἰσ ἄλλασ ὡρ́ασ γὰρ δὴ παιδὸσ δαίσομεν ὑμεναίουσ. καὶ πῶσ Ἀχιλεὺσ λέκτρων ἀπλακὼν οὐ μέγα φυσῶν θυμὸν ἐπαρεῖ σοὶ σῇ τ’ ἀλόχῳ; τόδε καὶ δεινόν· σήμαιν’ ὅ τι φῄσ. ὄνομ’, οὐκ ἔργον, παρέχων Ἀχιλεὺσ οὐκ οἶδε γάμουσ, οὐδ’ ὅ τι πράσσομεν, οὐδ’ ὅτι κείνῳ παῖδ’ ἐπεφήμισα νυμφείουσ εἰσ ἀγκώνων εὐνὰσ ἐκδώσειν λέκτροισ. δεινά γ’ ἐτόλμασ, Ἀγάμεμνον ἄναξ, ὃσ τῷ τῆσ θεᾶσ σὴν παῖδ’ ἄλοχον φατίσασ ἦγεσ σφάγιον Δαναοῖσ. οἴμοι, γνώμασ ἐξέσταν, αἰαῖ, πίπτω δ’ εἰσ ἄταν. ἀλλ’ ἴθ’ ἐρέσσων σὸν πόδα, γήρᾳ μηδὲν ὑπείκων. σπεύδω, βασιλεῦ. μή νυν μήτ’ ἀλσώδεισ ἵζου κρήνασ μήθ’ ὕπνῳ θελχθῇσ. εὔφημα θρόει. πάντῃ δὲ πόρον σχιστὸν ἀμείβων λεῦσσε, φυλάσσων μή τίσ σε λάθῃ τροχαλοῖσιν ὄχοισ παραμειψαμένη παῖδα κομίζουσ’ ἐνθάδ’ ἀπήνη Δαναῶν πρὸσ ναῦσ. ἔσται τάδε. κλῄθρων δ’ ἐξόρμοισ ἤν νιν πομπαῖσ ἀντήσῃσ, πάλιν εἰσόρμα, σεῖε χαλινούσ, ἐπὶ Κυκλώπων ἱεὶσ θυμέλασ. πιστὸσ δὲ φράσασ τάδε πῶσ ἔσομαι, λέγε, παιδὶ σέθεν τῇ σῇ τ’ ἀλόχῳ; σφραγῖδα φύλασσ’ ἣν ἐπὶ δέλτῳ τήνδε κομίζεισ. ἴθι. λευκαίνει τόδε φῶσ ἤδη λάμπουσ’ ἠὼσ πῦρ τε τεθρίππων τῶν Αἐλίου· σύλλαβε μόχθων. θνητῶν δ’ ὄλβιοσ ἐσ τέλοσ οὐδεὶσ οὐδ’ εὐδαίμων· οὔπω γὰρ ἔφυ τισ ἄλυποσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Euripides, Iphigenia in Aulis, episode, anapests

(에우리피데스, Iphigenia in Aulis, episode, anapests)

상위

목록

SEARCH

MENU NAVIGATION