헬라어 문장 검색 - ΕυριπίΙον́5́1́

(에우리피데스, Ion, episode, trochees)

πρόσπολοι γυναῖκεσ, αἳ τῶνδ’ ἀμφὶ κρηπῖδασ δόμων θυοδόκων φρούρημ’ ἔχουσαι δεσπότιν φυλάσσετε, ἐκλέλοιπ’ ἤδη τὸν ἱερὸν τρίποδα καὶ χρηστήριον Ξοῦθοσ, ἢ μίμνει κατ’ οἶκον ἱστορῶν ἀπαιδίαν; ἐν δόμοισ ἔστ’, ὦ ξέν’· οὔπω δῶμ’ ὑπερβαίνει τόδε. ὡσ δ’ ἐπ’ ἐξόδοισιν ὄντοσ, τῶνδ’ ἀκούομεν πυλῶν δοῦπον, ἐξιόντα τ’ ἤδη δεσπότην ὁρᾶν πάρα. ὦ τέκνον, χαῖρ’· ἡ γὰρ ἀρχὴ τοῦ λόγου πρέπουσά μοι. χαίρομεν· σὺ δ’ εὖ φρόνει γε, καὶ δύ’ ὄντ’ εὖ πράξομεν. δὸσ χερὸσ φίλημά μοι σῆσ σώματόσ τ’ ἀμφιπτυχάσ. εὖ φρονεῖσ μέν; ἤ σ’ ἔμηνε θεοῦ τισ, ὦ ξένε, βλάβη; σωφρονῶ· τὰ φίλταθ’ εὑρὼν οὐ φυγεῖν ἐφίεμαι. παῦε, μὴ ψαύσασ τὰ τοῦ θεοῦ στέμματα ῥήξῃσ χερί. ἅψομαι· κοὐ ῥυσιάζω, τἀμὰ δ’ εὑρίσκω φίλα. οὐκ ἀπαλλάξῃ, πρὶν εἴσω τόξα πλευμόνων λαβεῖν; ὡσ τί δὴ φεύγεισ με; σαυτοῦ γνωρίσασ τὰ φίλτατα ‐ οὐ φιλῶ φρενοῦν ἀμούσουσ καὶ μεμηνότασ ξένουσ. κτεῖνε καὶ πίμπρη· πατρὸσ γάρ, ἢν κτάνῃσ, ἔσῃ φονεύσ. ποῦ δέ μοι πατὴρ σύ; ταῦτ’ οὖν οὐ γέλωσ κλύειν ἐμοῦ; οὔ· τρέχων ὁ μῦθοσ ἄν σοι τἀμὰ σημήνειεν ἄν. καὶ τί μοι λέξεισ; πατὴρ σόσ εἰμι καὶ σὺ παῖσ ἐμόσ. τίσ λέγει τάδε; ὅσ σ’ ἔθρεψεν ὄντα Λοξίασ ἐμόν. μαρτυρεῖσ σαυτῷ. τὰ τοῦ θεοῦ γ’ ἐκμαθὼν χρηστήρια. ἐσφάλησ αἴνιγμ’ ἀκούσασ. οὐκ ἄρ’ ὄρθ’ ἀκούομεν. ὁ δὲ λόγοσ τίσ ἐστι Φοίβου; τὸν συναντήσαντά μοι ‐ τίνα συνάντησιν; δόμων τῶνδ’ ἐξιόντι τοῦ θεοῦ συμφορᾶσ τίνοσ κυρῆσαι; παῖδ’ ἐμὸν πεφυκέναι. σὸν γεγῶτ’, ἢ δῶρον ἄλλωσ; δῶρον, ὄντα δ’ ἐξ ἐμοῦ. πρῶτα δῆτ’ ἐμοὶ ξυνάπτεισ πόδα σόν; οὐκ ἄλλῳ, τέκνον. ἡ τύχη πόθεν ποθ’ ἥκει; δύο μίαν θαυμάζομεν. ἐά. τίνοσ δέ σοι πέφυκα μητρόσ; οὐκ ἔχω φράσαι. οὐδὲ Φοῖβοσ εἶπε; τερφθεὶσ τοῦτο, κεῖν’ οὐκ ἠρόμην. γῆσ ἄρ’ ἐκπέφυκα μητρόσ. οὐ πέδον τίκτει τέκνα. πῶσ ἂν οὖν εἰήν σόσ; οὐκ οἶδ’, ἀναφέρω δ’ ἐσ τὸν θεόν. φέρε λόγων ἁψώμεθ’ ἄλλων. ταῦτ’ ἀμείνον’, ὦ τέκνον. ἦλθεσ ἐσ νόθον τι λέκτρον; μωρίᾳ γε τοῦ νέου. πρὶν κόρην λαβεῖν Ἐρεχθέωσ; οὐ γὰρ ὕστερόν γέ πω. ἆρα δῆτ’ ἐκεῖ μ’ ἔφυσασ; τῷ χρόνῳ γε συντρέχει. κᾆτα πῶσ ἀφικόμεσθα δεῦρο ‐ ταῦτ’ ἀμηχανῶ. διὰ μακρᾶσ ἐλθὼν κελεύθου; τοῦτο κἄμ’ ἀπαιολεῖ. Πυθίαν δ’ ἦλθεσ πέτραν πρίν; ἐσ φανάσ γε Βακχίου. προξένων δ’ ἔν του κατέσχεσ; ὅσ με Δελφίσιν κόραισ . . . ἐθιάσευσ’, ἢ πῶσ τάδ’ αὐδᾷσ; Μαινάσιν γε Βακχίου. ἔμφρον’ ἢ κάτοινον ὄντα; Βακχίου πρὸσ ἡδοναῖσ. τοῦτ’ ἐκεῖν’ ἵν’ ἐσπάρημεν. ὁ πότμοσ ἐξηῦρεν, τέκνον. πῶσ δ’ ἀφικόμεσθα ναούσ; ἔκβολον κόρησ ἴσωσ. ἐκπεφεύγαμεν τὸ δοῦλον. πατέρα νυν δέχου, τέκνον. τῷ θεῷ γοῦν οὐκ ἀπιστεῖν εἰκόσ. εὖ φρονεῖσ ἄρα. καὶ τί βουλόμεσθά γ’ ἄλλο ‐ νῦν ὁρᾷσ ἃ χρή σ’ ὁρᾶν. ἢ Διὸσ παιδὸσ γενέσθαι παῖσ; ὃ σοί γε γίγνεται. ἦ θίγω δῆθ’ οἵ μ’ ἔφυσαν; πιθόμενόσ γε τῷ θεῷ. χαῖρέ μοι, πάτερ ‐ φίλον γε φθέγμ’ ἐδεξάμην τόδε. ἡμέρα θ’ ἡ νῦν παροῦσα. μακάριόν γ’ ἔθηκέ με. ὦ φίλη μῆτερ, πότ’ ἆρα καὶ σὸν ὄψομαι δέμασ; νῦν ποθῶ σε μᾶλλον ἢ πρίν, ἥτισ εἶ ποτ’, εἰσιδεῖν. ἀλλ’ ἴσωσ τέθνηκασ, ἡμεῖσ δ’ οὐδὲν ἂν δυναίμεθα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Euripides, Ion, episode, trochees

(에우리피데스, Ion, episode, trochees)

상위

목록

SEARCH

MENU NAVIGATION