Dionysius of Halicarnassus, Antiquitates Romanae, Books X-XX, book 19, chapter 18 8:

αὐτῶν δὲ τούτων, ἵνα συγχωρήσῃ τισ αὐτὰ πολλῆσ εἶναι σπουδῆσ ἄξια, τίσ γένοιτ’ ἂν ἱλαρὰ χρῆσισ οὐκ ἔχουσα τὸ βέβαιον; ἐφ’ ὑμῖν γάρ ἐστι τοῖσ παρέχουσι τὰσ ἡδονὰσ ταύτασ, ὅταν αὐτοὶ θέλητε, πάλιν αὐτὰσ ἀφαιρεῖσθαι. ἐῶ γὰρ λέγειν τοὺσ φθόνουσ, τὰσ διαβολάσ, τὸ μηδένα χρόνον ἄνευ κινδύνου καὶ φόβου ζῆν, τἆλλα πολλά, ὅσα φέρει χαλεπὰ καὶ οὐκ ἄξια γενναίου φρονήματοσ ὁ παρὰ τοῖσ βασιλεῦσι βίοσ.