헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 12, chapter 16)

Αἰνείαν λέγουσι τὸν ἐξ Ἀγχίσου καὶ Ἀφροδίτησ, ὅτε κατέσχεν εἰσ Ἰταλίαν, θῦσαι προαιρούμενον ὅτῳ δή τινι θεῶν, μετὰ τὴν εὐχὴν μέλλοντα τοῦ παρεσκευασμένου πρὸσ τὴν θυσίαν ἱερείου κατάρχεσθαι, τῶν Ἀχαιῶν ἰδεῖν τινα πρόσωθεν ἐρχόμενον, εἴτε Ὀδυσσέα, ὅτε τῷ περὶ τὸν Αὄρνον μαντείῳ χρῆσθαι ἔμελλεν, εἴτε Διομήδην, ἡνίκα Δαύνῳ σύμμαχοσ ἀφίκετο· ἀχθόμενον δὲ τῷ συγκυρήματι καὶ πολεμίαν ὄψιν ἐφ’ ἱεροῖσ φανεῖσαν ὡσ πονηρὸν οἰωνὸν ἀφοσιώσασθαι βουλόμενον, ἐγκαλύψασθαί τε καὶ στραφῆναι·

μετὰ δὲ τὴν ἀπαλλαγὴν τοῦ πολεμίου χερνιψάμενον αὖθισ ἐπιτελέσαι τὴν θυσίαν. γενομένων δὲ τῶν ἱερῶν κρειττόνων ἡσθῆναί τε τῷ συγκυρήματι καὶ φυλάττειν ἐπὶ πάσησ εὐχῆσ τὸ αὐτὸ ἔθοσ, τούσ τε ἀπ’ ἐκείνου γενομένουσ ὡσ ἕν τι τῶν περὶ τὰσ ἱερουργίασ νομίμων καὶ τοῦτο διατηρεῖν.

ἑπόμενοσ δὴ τοῖσ πατρικοῖσ ὁ Κάμιλλοσ νόμοισ, ἐπειδὴ τὴν εὐχὴν ἐποιήσατο καὶ κατὰ τῆσ κεφαλῆσ εἵλκυσε τὸ ἱμάτιον, ἐβούλετο μὲν στραφῆναι, τῆσ δὲ βάσεωσ ὑπενεχθείσησ οὐ δυνηθεὶσ ἀναλαβεῖν αὑτὸν ὕπτιοσ ἐπὶ τὴν γῆν φέρεται.

τοῦτον τὸν οἰωνὸν οὔτε μαντείασ οὔτ’ ἐνδοιασμοῦ δεόμενον, ἀλλὰ καὶ τῷ φαυλοτάτῳ ῥᾴδιον ὄντα συμβαλεῖν, ὅτι πεσεῖν αὐτῷ πᾶσα ἀνάγκη πτῶμα ἄσχημον, οὔτε φυλακῆσ οὔτε ἀφοσιώσεωσ ἄξιον ὑπέλαβεν, ἀλλ’ ἐπὶ τὸ κεχαρισμένον ἑαυτῷ μετήνεγκεν, ὡσ ὑπακηκοότων αὐτοῦ ταῖσ εὐχαῖσ τῶν θεῶν καὶ τὸ κακὸν ἐλάχιστον παρεσκευακότων γενέσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books X-XX, book 12, chapter 16

(디오니시오스, Antiquitates Romanae, Books X-XX, book 12, chapter 16)

상위

목록

SEARCH

MENU NAVIGATION