Diogenes Laertius, Lives of Eminent Philosophers, ΒΙΩΝ ΚΑΙ ΓΝΩΜΩΝ ΤΩΝ ΕΝ ΦΙΛΟΣΟΦΙΑΙ ΕΥΔΟΚΙΜΗΣΑΝΤΩΝ ΤΩΝ ΕΙΣ ΔΕΚΑ ΤΟ ΕΚΤΟΝ, Kef. d'. ONHSIKRITOS

Ὀνησίκριτοσ· τοῦτον οἱ μὲν Αἰγινήτην, Δημήτριοσ δ’ ὁ Μάγνησ Ἀστυπαλαιᾶ φησιν εἶναι. καὶ οὗτοσ τῶν ἐλλογίμων Διογένουσ μαθητῶν. ἐοίκε δέ τι ὅμοιον πεπονθέναι πρὸσ Ξενοφῶντα. ἐκεῖνοσ μὲν γὰρ Κύρῳ συνεστράτευσεν, οὗτοσ δὲ Ἀλεξάνδρῳ· κἀκεῖνοσ μὲν Παιδείαν Κύρου, ὁ δὲ πῶσ Ἀλέξανδροσ ἤχθη γέγραφε· καὶ ὁ μὲν ἐγκώμιον Κύρου, ὁ δὲ Ἀλεξάνδρου πεποίηκε. καὶ τῇ ἑρμηνείᾳ δὲ παραπλήσιοσ, πλὴν ὅτι ὡσ ἀπόγραφοσ ἐξ ἀρχετύπου δευτερεύει. Γέγονε καὶ Μένανδροσ Διογένουσ μαθητήσ, ὁ ἐπικαλούμενοσ Δρυμόσ, θαυμαστὴσ Ὁμήρου, καὶ Ἡγησίασ Σινωπεὺσ ὁ Κλοιὸσ ἐπίκλην, καὶ Φιλίσκοσ ὁ Αἰγινήτησ, ὡσ προειρήκαμεν.