헬라어 문장 검색 - ΑριστοπήΤηεσμοπ́09́1́

(아리스토파네스, Thesmophoriazusae, Parabasis, parabasis)

ἡμεῖσ τοίνυν ἡμᾶσ αὐτὰσ εὖ λέξωμεν παραβᾶσαι, καίτοι πᾶσ τισ τὸ γυναικεῖον φῦλον κακὰ πόλλ’ ἀγορεύει, ὡσ πᾶν ἐσμὲν κακὸν ἀνθρώποισ κἀξ ἡμῶν ἐστιν ἅπαντα, ἔριδεσ νείκη στάσισ ἀργαλέα λύπη πόλεμοσ. φέρε δή νυν, εἰ κακόν ἐσμεν, τί γαμεῖθ’ ἡμᾶσ, εἴπερ ἀληθῶσ κακόν ἐσμεν, κἀπαγορεύετε μήτ’ ἐξελθεῖν μήτ’ ἐκκύψασαν ἁλῶναι, ἀλλ’ οὑτωσὶ πολλῇ σπουδῇ τὸ κακὸν βούλεσθε φυλάττειν; κἂν ἐξέλθῃ τὸ γύναιόν ποι, κᾆθ’ εὑρ́ητ’ αὐτὸ θύρασιν, μανίασ μαίνεσθ’, οὓσ χρῆν σπένδειν καὶ χαίρειν, εἴπερ ἀληθῶσ ἔνδοθεν ηὑρ́ετε φροῦδον τὸ κακὸν καὶ μὴ κατελαμβάνετ’ ἔνδον. κἂν καταδάρθωμεν ἐν ἀλλοτρίων παίζουσαι καὶ κοπιῶσαι, πᾶσ τισ τὸ κακὸν τοῦτο ζητεῖ περὶ τὰσ κλίνασ περινοστῶν. κἂν ἐκ θυρίδοσ παρακύπτωμεν, τὸ κακὸν ζητεῖτε θεᾶσθαι· κἂν αἰσχυνθεῖσ’ ἀναχωρήσῃ, πολὺ μᾶλλον πᾶσ ἐπιθυμεῖ αὖθισ τὸ κακὸν παρακύψαν ἰδεῖν. οὕτωσ ἡμεῖσ ἐπιδήλωσ ὑμῶν ἐσμεν πολὺ βελτίουσ, βάσανόσ τε πάρεστιν ἰδέσθαι. βάσανον δῶμεν πότεροι χείρουσ. ἡμεῖσ μὲν γάρ φαμεν ὑμᾶσ, ὑμεῖσ δ’ ἡμᾶσ. σκεψώμεθα δὴ κἀντιτιθῶμεν πρὸσ ἕκαστον, παραβάλλουσαι τῆσ τε γυναικὸσ καὶ τἀνδρὸσ τοὔνομ’ ἑκάστου. Ναυσιμάχησ μέν <γ’> ἥττων ἐστὶν Χαρμῖνοσ· δῆλα δὲ τἄργα. καὶ μὲν δὴ καὶ Κλεοφῶν χείρων πάντωσ δήπου Ξαλαβακχοῦσ. πρὸσ Ἀριστομάχην δὲ χρόνου πολλοῦ, πρὸσ ἐκείνην τὴν Μαραθῶνι, καὶ Ξτρατονίκην ὑμῶν οὐδεὶσ οὐδ’ ἐγχειρεῖ πολεμίζειν. ἀλλ’ Εὐβούλησ τῶν πέρυσίν τισ βουλευτήσ ἐστιν ἀμείνων παραδοὺσ ἑτέρῳ τὴν βουλείαν; οὐδ’ αὐτὸσ τοῦτό γε φήσεισ. οὕτωσ ἡμεῖσ πολὺ βελτίουσ τῶν ἀνδρῶν εὐχόμεθ’ εἶναι. οὐδ’ ἂν κλέψασα γυνὴ ζεύγει κατὰ πεντήκοντα τάλαντα ἐσ πόλιν ἔλθοι τῶν δημοσίων· ἀλλ’ ἢν τὰ μέγισθ’ ὑφέληται φορμὸν πυρῶν τἀνδρὸσ κλέψασ’, αὐθημερὸν αὔτ’ ἀπέδωκεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristophanes, Thesmophoriazusae, Parabasis, parabasis

(아리스토파네스, Thesmophoriazusae, Parabasis, parabasis)

상위

목록

SEARCH

MENU NAVIGATION