헬라어 문장 검색 - ΑριστοπήΤηεσμοπ́03́0́0́

(아리스토파네스, Thesmophoriazusae, Lyric-Scene)

ἄκουε πᾶσ. ἔδοξε τῇ βουλῇ τάδε τῇ τῶν γυναικῶν· Τιμόκλει’ ἐπεστάτει, Λύσιλλ’ ἐγραμμάτευεν, εἶπε Ζωστράτη· ἐκκλησίαν ποιεῖν ἑώθεν τῇ μέσῃ τῶν Θεσμοφορίων, ᾗ μάλισθ’ ἡμῖν σχολή, καὶ χρηματίζειν πρῶτα περὶ Εὐριπίδου, ὅ τι χρὴ παθεῖν ἐκεῖνον· ἀδικεῖν γὰρ δοκεῖ ἡμῖν ἁπάσαισ. τίσ ἀγορεύειν βούλεται; ἐγώ. περίθου νυν τόνδε πρῶτον πρὶν λέγειν. σίγα σιώπα, πρόσεχε τὸν νοῦν· χρέμπτεται γὰρ ἤδη ὅπερ ποιοῦσ’ οἱ ῥήτορεσ. μακρὰν ἐοίκε λέξειν. φιλοτιμίᾳ μὲν οὐδεμιᾷ μὰ τὼ θεὼ λέξουσ’ ἀνέστην ὦ γυναῖκεσ· ἀλλὰ γὰρ βαρέωσ φέρω τάλαινα πολὺν ἤδη χρόνον προπηλακιζομένασ ὁρῶσ ἡμᾶσ ὑπὸ Εὐριπίδου τοῦ τῆσ λαχανοπωλητρίασ καὶ πολλὰ καὶ παντοῖ’ ἀκουούσασ κακά. τί γὰρ οὗτοσ ἡμᾶσ οὐκ ἐπισμῇ τῶν κακῶν; ποῦ δ’ οὐχὶ διαβέβληχ’, ὅπουπερ ἔμβραχυ εἰσὶν θεαταὶ καὶ τραγῳδοὶ καὶ χοροί, τὰσ μοιχοτρόπουσ, τὰσ ἀνδρεραστίασ καλῶν, τὰσ οἰνοπότιδασ, τὰσ προδότιδασ, τὰσ λάλουσ, τὰσ οὐδὲν ὑγιέσ, τὰσ μέγ’ ἀνδράσιν κακόν· ὥστ’ εὐθὺσ εἰσιόντεσ ἀπὸ τῶν ἰκρίων ὑποβλέπουσ’ ἡμᾶσ σκοποῦνταί τ’ εὐθέωσ μὴ μοιχὸσ ἔνδον ᾖ τισ ἀποκεκρυμμένοσ. δρᾶσαι δ’ ἔθ’ ἡμῖν οὐδὲν ὥσπερ καὶ πρὸ τοῦ ἔξεστι· τοιαῦθ’ οὗτοσ ἐδίδαξεν κακὰ τοὺσ ἄνδρασ ἡμῶν· ὥστ’ ἐάνπερ τισ πλέκῃ γυνὴ στέφανον, ἐρᾶν δοκεῖ· κἂν ἐκβάλῃ σκεῦόσ τι κατὰ τὴν οἰκίαν πλανωμένη, ἁνὴρ ἐρωτᾷ, ’τῷ κατέαγεν ἡ χύτρα; οὐκ ἔσθ’ ὅπωσ οὐ τῷ Κορινθίῳ ξένῳ. ’ κάμνει κόρη τισ, εὐθὺσ ἁδελφὸσ λέγει, τὸ χρῶμα τοῦτό μ’ οὐκ ἀρέσκει τῆσ κόρησ. εἰε͂ν, γυνή τισ ὑποβαλέσθαι βούλεται ἀποροῦσα παίδων, οὐδὲ τοῦτ’ ἔστιν λαθεῖν. ἅνδρεσ γὰρ ἤδη παρακάθηνται πλησίον· πρὸσ τοὺσ γέροντάσ θ’ οἳ πρὸ τοῦ τὰσ μείρακασ ἤγοντο, διαβέβληκεν, ὥστ’ οὐδεὶσ γέρων γαμεῖν ἐθέλει γυναῖκα διὰ τοὔποσ τοδὶ δέσποινα γὰρ γέροντι νυμφίῳ γυνή. εἶτα διὰ τοῦτον ταῖσ γυναικωνίτισιν σφραγῖδασ ἐπιβάλλουσιν ἤδη καὶ μοχλοὺσ τηροῦντεσ ἡμᾶσ, καὶ προσέτι Μολοττικοὺσ τρέφουσι μορμολυκεῖα τοῖσ μοιχοῖσ κύνασ. καὶ ταῦτα μὲν ξυγγνώσθ’. ἃ δ’ ἦν ἡμῖν πρὸ τοῦ αὐταῖσ ταμιεῦσαι καὶ προαιρούσαισ λαθεῖν ἄλφιτον ἔλαιον οἶνον, οὐδὲ ταῦτ’ ἔτι ἔξεστιν. οἱ γὰρ ἄνδρεσ ἤδη κλῄδια αὐτοὶ φοροῦσι κρυπτὰ κακοηθέστατα Λακωνίκ’ ἄττα, τρεῖσ ἔχοντα γομφίουσ. πρὸ τοῦ μὲν οὖν ἦν ἀλλ’ ὑποῖξαι τὴν θύραν ποιησαμέναισι δακτύλιον τριωβόλου, νῦν δ’ οὗτοσ αὐτοὺσ ᾡκότριψ Εὐριπίδησ ἐδίδαξε θριπήδεστ’ ἔχειν σφραγίδια ἐξαψαμένουσ. νῦν οὖν ἐμοὶ τούτῳ δοκεῖ ὄλεθρόν τιν’ ἡμᾶσ κυρκανᾶν ἁμωσγέπωσ, ἢ φαρμάκοισιν ἢ μιᾷ γέ τῳ τέχνῃ, ὅπωσ ἀπολεῖται. ταῦτ’ ἐγὼ φανερῶσ λέγω, τὰ δ’ ἄλλα μετὰ τῆσ γραμματέωσ συγγράψομαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristophanes, Thesmophoriazusae, Lyric-Scene

(아리스토파네스, Thesmophoriazusae, Lyric-Scene)

상위

목록

SEARCH

MENU NAVIGATION