헬라어 문장 검색 - Ηιπποξ́Οευϝρεσ́03́02́0́

(히포크라테스, Oeuvres Completes D'Hippocrate., ΠΕΡΙ ΑΙΜΟΡΡΟΙΔΩΝ., 2.)

Θεραπεύειν δὲ δεῖ ὧδε‧ πρῶτον μὲν ὑπαρχέτω εἰδέναι ἐν οἱῴ χωρίῳ γίνονται. Ἀρχὸν γὰρ καὶ τάμνων, καὶ ἀποτάμνων, καὶ ἀναῤῬάπτων, καὶ δαίων, καὶ ἀποσήπων, ταῦτα γὰρ δοκέει δεινότατα εἶναι, οὐδὲν ἂν σίνοιο. Παρασκευάσασθαι δὲ κελεύω ἑπτὰ ἢ ὀκτὼ σιδήρια, σπιθαμιαῖα τὸ μέγεθοσ, πάχοσ δὲ ὡσεὶ μήλησ παχείησ‧ ἐξ ἄκρου δὲ κατακάμψαι‧ καὶ ἐπὶ τῷ ἄκρῳ πλατὺ ἔστω ὡσ ἐπὶ ὀβολοῦ μικροῦ. Προκαθήρασ δὴ φαρμάκῳ τῇ πρότερον, αὐτῇ δὲ ᾗ ἂν ἐπιχειρέῃσ καῦσαι, ἀνακλίνασ τὸν ἄνθρωπον ὕπτιον, καὶ προσκεφάλαιον ὑπὸ τὴν ὀσφὺν ὑποθεὶσ, ἐξαναγκάζειν ὡσ μάλιστα τοῖσι δακτύλοισι τὴν ἕδρην ἔξω, ποιέειν δὲ καὶ διαφανέα τὰ σιδήρια, καὶ καίειν ἑώσ ἂν ἀποξηράνῃσ, καὶ ὅκωσ μὴ ὑπαλείψῃσ‧ καίειν δὲ καὶ μηδεμίην ἐᾶσαι ἄκαυστον τῶν αἱμοῤῬοί̈δων, ἀλλὰ πάσασ ἀποκαύσεισ. Γνώσει δὲ οὐ χαλεπῶσ τὰσ αἱμοῤῬοί̈δασ‧ ὑπερέχουσι γὰρ ἐσ τὸ ἐντὸσ τοῦ ἀρχοῦ, οἱο͂ν Ῥᾶγεσ πελιδναὶ, καὶ ἅμα ἐξαναγκαζομένου τοῦ ἀρχοῦ ἐξακοντίζουσιν αἷμα. Κατεχόντων δ’ αὐτῶν, ὅταν καίηται, τῆσ κεφαλῆσ καὶ τὰσ χεῖρασ, ὡσ μὴ κινέηται, βοάτω καιόμενοσ‧ ὁ γὰρ ἀρχὸσ μᾶλλον ἐξίσχει. Ἐπὴν δὲ καύσῃσ, φακοὺσ καὶ ὀρόβουσ ἑψήσασ ἐν ὕδατι, τρίψασ λείουσ, κατάπασσε πέντε ἢ ἓξ ἡμέρασ‧ τῇ δὲ ἑβδόμῃ σπόγγον μαλθακὸν τάμνειν ὡσ λεπτότατον, πλάτοσ δὲ εἶναι τοῦ σπόγγου ὅσον ἓξ δακτύλων πάντη‧ ἔπειτα ἐπιθεῖναι ἐπὶ τὸν σπόγγον ὀθόνιον ἴσον τῷ σπόγγῳ λεπτὸν καὶ λεῖον, ἀλείψασ μέλιτι‧ ἔπειτα ὑποβαλὼν τῷ δακτύλῳ τῷ λιχανῷ τῆσ ἀριστερῆσ χειρὸσ μέσον τὸν σπόγγον, ὦσαι κάτω τῆσ ἕδρησ ὡσ προσωτάτω‧ ἔπειτα ἐπὶ τὸν σπόγγον προσθεῖναι εἴριον, ὡσ ἂν ἐν τῇ ἕδρῃ ἀτρεμίζῃ. Διαζώσασ δὲ ἐν τῇσι λαγόσι, καὶ ὑφεὶσ ταινίην ἐκ τοῦ ὄπισθεν, ἀναλαβὼν ἐκ τῶν σκελέων τὸν ἐπίδεσμον, ἀναδῆσαι ἐσ τὸ διάζωσμα παρὰ τὸν ὀμφαλόν. Τὸ δὲ φάρμακον, ὃ εἶπον, ἐπίδει τὸ πυκνὴν τὴν σάρκα ποιέον καὶ ἰσχυρὴν φῦναι. Ταῦτα δὲ δεῖ ἐπιδεῖν μὴ ἔλασσον ἡμερῶν εἴκοσι. Ῥοφέειν δὲ ἅπαξ τῆσ ἡμέρησ ἄλευρον, ἢ κέγχρον, ἢ τὸ ἀπὸ τῶν πιτύρων, καὶ πίνειν ὕδωρ‧ ἢν δὲ ἐσ ἄφοδον ἵζηται, ὕδατι θερμῷ διανίζειν‧ λούεσθαι δὲ διὰ τρίτησ ἡμέρησ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., ΠΕΡΙ ΑΙΜΟΡΡΟΙΔΩΝ., 2.

(히포크라테스, Oeuvres Completes D'Hippocrate., ΠΕΡΙ ΑΙΜΟΡΡΟΙΔΩΝ., 2.)

상위

목록

SEARCH

MENU NAVIGATION