헬라어 문장 검색 - Λυξιαν́Ιξαρομέ1́0́20́

(루키아노스, Icaromenippus, (no name) 20:)

"οὕτωσ ὄναιο, διακόνησαί μοί τι πρὸσ τὸν Δία. ἦν δ’ ἐγώ· "βαρὺ γὰρ οὐδέν, ἢν μή τι φέρειν δέῃ. "τινὰ οὐ χαλεπὴν καὶ δέησιν ἀπένεγκε ^ παρ’ ἐμοῦ τῷ Διί· "ἀπείρηκα γὰρ ἤδη, Μένιππε, πολλὰ καὶ δεινὰ παρὰ τῶν φιλοσόφων ἀκούουσα, οἷσ οὐδὲν ἕτερόν ἐστιν ἔργον ἢ τἀμὰ πολυπραγμονεῖν, τίσ εἰμι καὶ πηλίκη, καὶ δι’ ἥντινα αἰτίαν διχότομοσ ἢ ἀμφίκυρτοσ ηἰηνομαι. "καὶ οἱ μὲν κατοικεῖσθαὶ μέ φασιν, οἱ δὲ κατόπτρου δίκην ἐπικρέμασθαι τῇ θαλάττῃ, οἱ δὲ ὅ τι ἂν ἕκαστοσ ἐπινοήσῃ τοῦτό μοι προσάπτουσι. "τὰ τελευταῖα δὲ καὶ τὸ φῶσ αὐτὸ κλοπιμαῖόν τε καὶ νόθον εἶναί μοί φασιν ἄνωθεν ἧκον παρὰ τοῦ Ἡλίου, καὶ οὐ παύονται καὶ πρὸσ τοῦτόν με ἀδελφὸν ὄντα συγκροῦσαι καὶ στασιάσαι προαιρούμενοι· "οὐ γὰρ ἱκανὰ ἦν αὐτοῖσ ἃ περὶ αὐτοῦ εἰρήκασι τοῦ Ἡλίου, λίθον αὐτὸν εἶναι καὶ μύδρον διάπυρον. "καίτοι πόσα ἐγὼ συνεπίσταμαι αὐτοῖσ ἃ πράττουσι τῶν νυκτῶν αἰσχρὰ καὶ κατάπτυστα οἱ μεθ’ ἡμέραν σκυθρωποὶ καὶ ἀνδρώδεισ τὸ βλέμμα καὶ τὸ σχῆμα σεμνοὶ καὶ ὑπὸ τῶν ἰδιωτῶν ἀποβλεπόμενοι; "κἀγὼ μὲν ταῦτα ὁρῶσα ὅμωσ σιωπῶ· "οὐ γὰρ ἡγοῦμαι πρέπειν ἀποκαλύψαι καὶ διαφωτίσαι τὰσ νυκτερινὰσ ἐκείνασ διατριβὰσ καὶ τὸν ὑπὸ ^ σκηνῆσ ἑκάστου βίον, ἀλλὰ κἄν τινα ἴδω αὐτῶν μοιχεύοντα ἢ κλέπτοντα ἢ ἄλλο τι τολμῶντα νυκτερινώτατον, εὐθὺσ ἐπισπασαμένη τὸ νέφοσ ἐνεκαλυψάμην, ἵνα μὴ δείξω τοῖσ πολλοῖσ γέροντασ ἄνδρασ βαθεῖ πώγωνι καὶ ἀρετῇ ἐνασχημονοῦντασ. "οἱ δὲ οὐδὲν ἀνιᾶσι διασπαράττοντέσ με τῷ λόγῳ καὶ πάντα τρόπον ὑβρίζοντεσ, ὥστε νὴ τὴν Νύκτα πολλάκισ ἐβουλευσάμην μετοικῆσαι ὅτι πορρωτάτω, ἵν’ αὐτῶν τὴν περίεργον ἂν γλῶτταν διέφυγον. "μέμνησο οὖν ταῦτά τε ἀπαγγεῖλαι τῷ Διὶ καὶ προσθεῖναι δ’ ὅτι μὴ δυνατὸν ἐστί μοι κατὰ χώραν μένειν, ἢν μὴ τοὺσ φυσικοὺσ ἐκεῖνοσ ἐπιτρίψῃ καὶ τοὺσ διαλεκτικοὺσ ἐπιστομίσῃ καὶ τὴν Στοὰν κατασκάψῃ καὶ τὴν Ἀκαδημίαν καταφλέξῃ καὶ παύσῃ τὰσ ἐν τοῖσ περιπάτοισ διατριβάσ· "οὕτω γὰρ ἂν εἰρήνην ἀγάγοιμι καὶ παυσαίμην ὁσημέραι παρ’ αὐτῶν γεωμετρουμένη.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Lucian, Icaromenippus, (no name) 20:

(루키아노스, Icaromenippus, (no name) 20:)

상위

목록

SEARCH

MENU NAVIGATION