Homer, Iliad, Book 23 33:

οἳ δ’ ἅμα πάντεσ ἐφ’ ἵπποιιν μάστιγασ ἀείραν, πέπληγόν θ’ ἱμᾶσιν, ὁμόκλησάν τ’ ἐπέεσσιν ἐσσυμένωσ· οἳ δ’ ὦκα διέπρησσον πεδίοιο νόσφι νεῶν ταχέωσ· ὑπὸ δὲ στέρνοισι κονίη ἵστατ’ ἀειρομένη ὥσ τε νέφοσ ἠὲ θύελλα, χαῖται δ’ ἐρρώοντο μετὰ πνοιῇσ ἀνέμοιο. ἁρ́ματα δ’ ἄλλοτε μὲν χθονὶ πίλνατο πουλυβοτείρῃ, ἄλλοτε δ’ ἀί̈ξασκε μετήορα· τοὶ δ’ ἐλατῆρεσ ἕστασαν ἐν δίφροισι, πάτασσε δὲ θυμὸσ ἑκάστου νίκησ ἱεμένων· κέκλοντο δὲ οἷσιν ἕκαστοσ ἵπποισ, οἳ δ’ ἐπέτοντο κονίοντεσ πεδίοιο.