Euripides, Phoenissae, choral, epode

ἔτεκεσ, ὦ Γαῖ’, ἔτεκέσ ποτε, βάρβαρον ὡσ ἀκοὰν ἐδάην ἐδάην ποτ’ ἐν οἴκοισ, τὰν ἀπὸ θηροτρόφου φοινικολόφοιο δράκοντοσ γένναν ὀδοντοφυῆ, Θήβαισ κάλλιστον ὄνειδοσ· Ἁρμονίασ δέ ποτ’ εἰσ ὑμεναίουσ ἤλυθον οὐρανίδαι, φόρμιγγί τε τείχεα Θήβασ τᾶσ Ἀμφιονίασ τε λύρασ ὕπο πύργοσ ἀνέστα διδύμων ποταμῶν πόρον ἀμφὶ μέσον, Δίρκα χλοεροτρόφον ᾇ πεδίον πρόπαρ Ἰσμηνοῦ καταδεύει· Ιὤ θ’, ἁ κερόεσσα προμάτωρ, Καδμείων βασιλῆασ ἐγείνατο, μυριάδασ δ’ ἀγαθῶν ἑτέροισ ἑτέ‐ ρασ μεταμειβομένα πόλισ ἅδ’ ἐπ’ ἄκροισ ἕστακ’ Ἀρηί̈οισ στεφάνοισιν.