헬라어 문장 검색 - Τηεοξρ́Ιδψλλσ́11́0́0́

(테오크리토스, Idylls, Ἐργατίναι ἢ Θερισταί)

Ἐργατίνα βουκαῖε, τί νῦν ᾦζυρὲ πεπόνθεισ; οὔθ’ ἑὸν ὄγμον ἄγειν ὀρθὸν δύνᾳ, ὡσ τὸ πρὶν ἆγεσ, οὔθ’ ἅμα λᾳοτομεῖσ τῷ πλατίον, ἀλλ’ ἀπολείπῃ ὥσπερ ὀίσ ποίμνασ, ἇσ τὸν πόδα κάκτοσ ἔτυψε. ποῖόσ τισ δείλαν τυ καὶ ἐκ μέσω ἄματοσ ἐσσῇ, ὃσ νῦν ἀρχόμενοσ τᾶσ αὔλακοσ οὐκ ἀποτρώγεισ; Μίλων ὀψαμάτα, πέτρασ ἀπόκομμ’ ἀτεράμνω, οὐδαμά τοι συνέβα ποθέσαι τινὰ τῶν ἀπεόντων; οὐδαμά. τίσ δὲ πόθοσ τῶν ἔκτοθεν ἐργάτᾳ ἀνδρί; οὐδαμά νυν συνέβα τοι ἀγρυπνῆσαι δι’ ἔρωτα; μηδέ γε συμβαίη· χαλεπὸν χορίω κύνα γεῦσαι. ἀλλ’ ἐγὼ ὦ Μίλων ἔραμαι σχεδὸν ἑνδεκαταῖοσ. ἐκ πίθω ἀντλεῖσ δῆλον· ἐγὼ δ’ ἔχω οὐδ’ ἅλισ ὄξοσ. τοιγάρτοι πρὸ θυρᾶν μοι ἀπὸ σπόρω ἄσκαλα πάντα. τίσ δέ τυ τᾶν παίδων λυμαίνεται; ἁ Πολυβώτα, ἃ πρᾶν ἀμάντεσσι παρ’ Ἱπποκίωνι ποταύλει. εὑρ͂ε θεὸσ τὸν ἀλιτρόν· ἔχεισ πάλαι ὧν ἐπεθύμεισ. μάντίσ τοι τὰν νύκτα χροϊξεῖθ’ ἁ καλαμαία. μωμᾶσθαί μ’ ἄρχῃ τύ· τυφλὸσ δ’ οὐκ αὐτὸσ ὁ Πλοῦτοσ, ἀλλὰ καὶ ὡφρόντιστοσ Ἔρωσ. μὴ δὴ μέγα μυθεῦ. οὐ μέγα μυθεῦμαι· τὺ μόνον κατάβαλλε τὸ λᾷον, καί τι κόρασ φιλικὸν μέλοσ ἀμβάλευ. ἅδιον οὑτῶσ ἐργαξῇ· καὶ μὰν πρότερόν ποκα μουσικὸσ ἦσθα. Μοῖσαι Πιερίδεσ, συναείσατε τὰν ῥαδινάν μοι παῖδ’· ὧν γάρ χ’ ἅψησθε θεαί, καλὰ πάντα ποεῖτε. Βομβύκα χαρίεσσα, Σύραν καλέοντί τυ πάντεσ, ἰσχνὰν ἁλιόκαυστον, ἐγὼ δὲ μόνοσ μελίχλωρον. καὶ τὸ ἰόν μέλαν ἐστὶ καὶ ἁ γραπτὰ ὑάκινθοσ, ἀλλ’ ἔμπασ ἐν τοῖσ στεφάνοισ τὰ πρᾶτα λέγονται. ἁ αἲξ τὰν κύτισον, ὁ λύκοσ τὰν αἶγα διώκει, ἁ γέρανοσ τὤροτρον, ἐγὼ δ’ ἐπὶ τὶν μεμάνημαι. αἴθέ μοι ἦσ, ὅσσα Κροῖσόν ποκα φαντὶ πεπᾶσθαι, χρύσεοι ἀμφότεροί κ’ ἀνεκείμεθα τᾷ Ἀφροδίτᾳ, τὼσ αὐλὼσ μὲν ἔχοισα καὶ ἢ ῥόδον ἢ μᾶλον τύ, σχῆμα δ’ ἐγὼ καὶ καινὰσ ἐπ’ ἀμφοτέροισιν ἀμύκλασ. Βομβύκα χαρίεσσ’, οἱ μὲν πόδεσ ἀστράγαλοί τευσ, ἁ φωνὰ δὲ τρύχνοσ· τὸν μὰν τρόπον οὐκ ἔχω εἰπεῖν. ͂̓Η καλὰσ ἄμμι ποέων ἐλελήθει βοῦκοσ ἀοιδάσ. ὡσ εὖ τὰν ἰδέαν τᾶσ ἁρμονίασ ἐμέτρησεν. ὤμοι τῶ πώγωνοσ, ὃν ἀλιθίωσ ἀνέφυσα. θᾶσαι δὴ καὶ ταῦτα τὰ τῶ θείω Λιτυέρσα. Δάματερ πολύκαρπε πολύσταχυ, τοῦτο τὸ λᾷον εὐέργόν τ’ εἰή καὶ κάρπιμον ὅττι μάλιστα. Σφίγγετ’ ἀμαλλοδέται τὰ δράγματα, μὴ παριών τισ εἴποι· "σύκινοι ἄνδρεσ, ἀπώλετο χοὗτοσ ὁ μισθόσ. " Ἐσ βορέην ἄνεμον τᾶσ κόρθυοσ ἁ τομὰ ὔμμιν ἢ ζέφυρον βλεπέτω· πιαίνεται ὁ στάχυσ οὑτῶσ. Σῖτον ἀλοιῶντασ φεύγειν τὸ μεσαμβρινὸν ὕπνον· ἐκ καλάμασ ἄχυρον τελέθει τημόσδε μάλιστα. ἄρχεσθαι δ’ ἀμῶντασ ἐγειρομένω κορυδαλλῶ, καὶ λήγειν εὕδοντοσ, ἐλινῦσαι δὲ τὸ καῦμα. Εὐκτὸσ ὁ τῶ βατράχω παῖδεσ βίοσ· οὐ μελεδαίνει τὸν προπιεῖν ἐγχεῦντα· πάρεστι γὰρ ἄφθονον αὐτῷ. Κάλλιον ὦπιμελητὰ φιλάργυρε τὸν φακὸν ἕψειν· μή τι τάμῃσ τὰν χεῖρα καταπρίων τὸ κύμινον. Ταῦτα χρὴ μοχθεῦντασ ἐν ἁλίῳ ἄνδρασ ἀείδειν, τὸν δὲ τεὸν βουκαῖε πρέπει λιμηρὸν ἔρωτα μυθίσδεν τᾷ ματρὶ κατ’ εὐνὰν ὀρθρευοίσᾳ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Theocritus, Idylls, Ἐργατίναι ἢ Θερισταί

(테오크리토스, Idylls, Ἐργατίναι ἢ Θερισταί)

상위

목록

SEARCH

MENU NAVIGATION