헬라어 문장 검색 - ΑριστοπήΑξηαρνί15́0́1́

(아리스토파네스, Acharnians, Episode 1:)

καὶ γὰρ σὺ μεγάλην ἐπεγράφου τὴν Γοργόνα. σύγκλῃε, καὶ δεῖπνόν τισ ἐνσκευαζέτω. παῖ παῖ φέρ’ ἔξω δεῦρο τὸν γυλιὸν ἐμοί. παῖ παῖ φέρ’ ἔξω δεῦρο τὴν κίστην ἐμοί. ἅλασ θυμίτασ οἶσε παῖ καὶ κρόμμυα. ἐμοὶ δὲ τεμάχη· κρομμύοισ γὰρ ἄχθομαι. θρῖον ταρίχουσ οἶσε δεῦρο παῖ σαπροῦ. κἀμοὶ σὺ δημοῦ θρῖον· ὀπρήσω δ’ ἐκεῖ. ἔνεγκε δεῦρο τὼ πτερὼ τὼ κ’ τοῦ κράνουσ. ἐμοὶ δὲ τὰσ φάττασ γε φέρε καὶ τὰσ κίχλασ. καλόν γε καὶ λευκὸν τὸ τῆσ στρούθου πτερόν. καλόν γε καὶ ξανθὸν τὸ τῆσ φάττησ κρέασ. ὦνθρωπε παῦσαι καταγελῶν μου τῶν ὅπλων. ὦνθρωπε βούλει μὴ βλέπειν ἐσ τὰσ κίχλασ; τὸ λοφεῖον ἐξένεγκε τῶν τριῶν λόφων. κἀμοὶ λεκάνιον τῶν λαγῴων δὸσ κρεῶν. ἀλλ’ ἢ τριχόβρωτεσ τοὺσ λόφουσ που κατέφαγον. ἀλλ’ ἤ πρὸ δείπνου τὴν μίμαρκυν κατέδομαι. ὦνθρωπε βούλει μὴ προσαγορεύειν ἐμέ; οὐκ ἀλλ’ ἐγὼ χὠ παῖσ ἐρίζομεν πάλαι. βούλει περιδόσθαι κἀπιτρέψαι Λαμάχῳ, πότερον ἀκρίδεσ ἥδιόν ἐστιν ἤ κίχλαι; οἴμ’ ὡσ ὑβρίζεισ. τὰσ ἀκρίδασ κρίνει πολύ. παῖ παῖ καθελών μοι τὸ δόρυ δεῦρ’ ἔξω φέρε. παῖ παῖ σὺ δ’ ἀφελὼν δεῦρο τὴν χορδὴν φέρε. φέρε τοῦ δόρατοσ ἀφελκύσωμαι τοὔλυτρον. ἔχ’, ἀντέχου παῖ. καὶ σὺ παῖ τοῦδ’ ἀντέχου. τοὺσ κιλλίβαντασ οἶσε παῖ τῆσ ἀσπίδοσ. καὶ τῆσ ἐμῆσ τοὺσ κριβανίτασ ἔκφερε. φέρε δεῦρο γοργόνωτον ἀσπίδοσ κύκλον. κἀμοὶ πλακοῦντοσ τυρόνωτον δὸσ κύκλον. ταῦτ’ οὐ κατάγελώσ ἐστιν ἀνθρώποισ πλατύσ; ταῦτ’ οὐ πλακοῦσ δῆτ’ ἐστὶν ἀνθρώποισ γλυκύσ; κατάχει σὺ παῖ τοὔλαιον. ἐν τῷ χαλκίῳ ἐνορῶ γέροντα δειλίασ φευξούμενον. κατάχει σὺ τὸ μέλι. κἀνθάδ’ ἔνδηλοσ γέρων κλάειν κελεύων Λάμαχον τὸν Γοργάσου. φέρε δεῦρο παῖ θώρακα πολεμιστήριον. ἔξαιρε παῖ θώρακα κἀμοὶ τὸν χοᾶ. ἐν τῷδε πρὸσ τοὺσ πολεμίουσ θωρήξομαι. ἐν τῷδε πρὸσ τοὺσ συμπότασ θωρήξομαι. τὰ στρώματ’ ὦ παῖ δῆσον ἐκ τῆσ ἀσπίδοσ. τὸ δεῖπνον ὦ παῖ δῆσον ἐκ τῆσ κιστίδοσ. ἐγὼ δ’ ἐμαυτῷ τὸν γυλιὸν οἴσω λαβών. ἐγὼ δὲ θοἰμάτιον λαβὼν ἐξέρχομαι. τὴν ἀσπίδ’ αἴρου καὶ βάδιζ’ ὦ παῖ λαβών. νείφει. βαβαιάξ· χειμέρια τὰ πράγματα. αἴρου τὸ δεῖπνον· συμποτικὰ τὰ πράγματα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristophanes, Acharnians, Episode 1:

(아리스토파네스, Acharnians, Episode 1:)

상위

목록

SEARCH

MENU NAVIGATION