헬라어 문장 검색 - ΕυριπίΡηεσυσ́8́0́1́

(에우리피데스, Rhesus, episode 1:)

ποῖ δὴ λιπόντεσ Τρωικῶν ἐκ τάξεων χωρεῖτε, λύπῃ καρδίαν δεδηγμένοι, εἰ μὴ κτανεῖν σφῷν Ἕκτορ’ ἢ Πάριν θεὸσ δίδωσιν; ἄνδρα δ’ οὐ πέπυσθε σύμμαχον Τροίᾳ μολόντα Ῥῆσον οὐ φαύλῳ τρόπῳ. ὃσ εἰ διοίσει νύκτα τήνδ’ ἐσ αὔριον, οὔτε σφ’ Ἀχιλλεὺσ οὔτ’ ἂν Αἰάντοσ δόρυ μὴ πάντα πέρσαι ναύσταθμ’ Ἀργείων σχέθοι, τείχη κατασκάψαντα καὶ πυλῶν ἔσω λόγχῃ πλατεῖαν ἐσδρομὴν ποιούμενον. τοῦτον κατακτὰσ πάντ’ ἔχεισ. τὰσ δ’ Ἕκτοροσ εὐνὰσ ἐάσον καὶ καρατόμουσ σφαγάσ· ἔσται γὰρ αὐτῷ θάνατοσ ἐξ ἄλλησ χερόσ. δέσποιν’ Ἀθάνα, φθέγματοσ γὰρ ᾐσθόμην τοῦ σοῦ συνήθη γῆρυν· ἐν πόνοισι γὰρ παροῦσ’ ἀμύνεισ τοῖσ ἐμοῖσ ἀεί ποτε· τὸν ἄνδρα δ’ ἡμῖν, ποῦ κατηύνασται, φράσον· πόθεν τέτακται βαρβάρου στρατεύματοσ; ὅδ’ ἐγγὺσ ἧσται κοὐ συνήθροισται στρατῷ, ἀλλ’ ἐκτὸσ αὐτὸν τάξεων κατηύνασεν Ἕκτωρ, ἑώσ ἂν νὺξ ἀμείψηται φάοσ. πέλασ δὲ πῶλοι Θρῃκίων ἐξ ἁρμάτων λευκαὶ δέδενται, διαπρεπεῖσ ἐν εὐφρόνῃ· στίλβουσι δ’ ὥστε ποταμίου κύκνου πτερόν. ταύτασ, κτανόντεσ δεσπότην, κομίζετε, κάλλιστον οἴκοισ σκῦλον· οὐ γὰρ ἔσθ’ ὅπου τοιόνδ’ ὄχημα χθὼν κέκευθε πωλικόν. Διόμηδεσ, ἢ σὺ κτεῖνε Θρῄκιον λεών, ἢ ’μοὶ πάρεσ γε, σοὶ δὲ χρὴ πώλουσ μέλειν. ἐγὼ φονεύσω, πωλοδαμνήσεισ δὲ σύ· τρίβων γὰρ εἶ τὰ κομψὰ καὶ νοεῖν σοφόσ. χρὴ δ’ ἄνδρα τάσσειν οὗ μάλιστ’ ἂν ὠφελοῖ. καὶ μὴν καθ’ ἡμᾶσ τόνδ’ Ἀλέξανδρον βλέπω στείχοντα, φυλάκων ἔκ τινοσ πεπυσμένον δόξασ ἀσήμουσ πολεμίων μεμβλωκότων. πότερα σὺν ἄλλοισ ἢ μόνοσ πορεύεται; μόνοσ· πρὸσ εὐνὰσ δ’, ὡσ ἐοίκεν, Ἕκτοροσ χωρεῖ, κατόπτασ σημανῶν ἥκειν στρατοῦ. οὐκ οὖν ὑπάρχειν τόνδε κατθανόντα χρή; οὐκ ἂν δύναιο τοῦ πεπρωμένου πλέον. τοῦτον δὲ πρὸσ σῆσ χειρὸσ οὐ θέμισ θανεῖν. ἀλλ’ ᾧπερ ἥκεισ μορσίμουσ φέρων σφαγάσ, τάχυν’· ἐγὼ δέ, τῷδε σύμμαχοσ Κύπρισ δοκοῦσ’ ἀρωγὸσ ἐν πόνοισ παραστατεῖν, σαθροῖσ λόγοισιν ἐχθρὸν ἄνδρ’ ἀμείψομαι. καὶ ταῦτ’ ἐγὼ μὲν εἶπον· ὃν δὲ χρὴ παθεῖν, οὐκ οἶδεν οὐδ’ ἤκουσεν ἐγγὺσ ὢν λόγου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Euripides, Rhesus, episode 1:

(에우리피데스, Rhesus, episode 1:)

상위

목록

SEARCH

MENU NAVIGATION