Homer, Iliad, Book 10 15:

ὣσ εἰπὼν ἔνδυνε περὶ στήθεσσι χιτῶνα, ποσσὶ δ’ ὑπὸ λιπαροῖσιν ἐδήσατο καλὰ πέδιλα, ἀμφὶ δ’ ἄρα χλαῖναν περονήσατο φοινικόεσσαν διπλῆν ἐκταδίην, οὔλη δ’ ἐπενήνοθε λάχνη. εἵλετο δ’ ἄλκιμον ἔγχοσ ἀκαχμένον ὀξέϊ χαλκῷ, βῆ δ’ ἰέναι κατὰ νῆασ Ἀχαιῶν χαλκοχιτώνων. πρῶτον ἔπειτ’ Ὀδυσῆα Διὶ μῆτιν ἀτάλαντον ἐξ ὕπνου ἀνέγειρε Γερήνιοσ ἱππότα Νέστωρ φθεγξάμενοσ· τὸν δ’ αἶψα περὶ φρένασ ἤλυθ’ ἰωή, ἐκ δ’ ἦλθε κλισίησ καί σφεασ πρὸσ μῦθον ἐείπε· τίφθ’ οὕτω κατὰ νῆασ ἀνὰ στρατὸν οἰοῖ ἀλᾶσθε νύκτα δι’ ἀμβροσίην, ὅ τι δὴ χρειὼ τόσον ἵκει;