헬라어 문장 검색 - ΕυριπίΙπηιγεν

(에우리피데스, Iphigenia in Tauris, episode)

ποῦ ’σθ’ ἡ πυλωρὸσ τῶνδε δωμάτων γυνὴ Ἑλληνίσ; ἤδη τῶν ξένων κατήρξατο; ἀδύτοισ ἐν ἁγνοῖσ σῶμα λάμπονται πυρί; ἥδ’ ἐστίν, ἥ σοι πάντ’, ἄναξ, ἐρεῖ σαφῶσ. ἐά· τί τόδε μεταίρεισ ἐξ ἀκινήτων βάθρων, Ἀγαμέμνονοσ παῖ, θεᾶσ ἄγαλμ’ ἐν ὠλέναισ; ἄναξ, ἔχ’ αὐτοῦ πόδα σὸν ἐν παραστάσιν. τί δ’ ἔστιν, Ἰφιγένεια, καινὸν ἐν δόμοισ; ἀπέπτυσ’· Ὁσίᾳ γὰρ δίδωμ’ ἔποσ τόδε. τί φροιμιάζῃ νεοχμόν; ἐξαύδα σαφῶσ. οὐ καθαρά μοι τὰ θύματ’ ἠγρεύσασθ’, ἄναξ. τί τοὐκδιδάξαν τοῦτό σ’; ἢ δόξαν λέγεισ; βρέτασ τὸ τῆσ θεοῦ πάλιν ἕδρασ ἀπεστράφη. αὐτόματον, ἤ νιν σεισμὸσ ἔστρεψε χθονόσ; αὐτόματον· ὄψιν δ’ ὀμμάτων ξυνήρμοσεν. ἡ δ’ αἰτία τίσ; ἦ τὸ τῶν ξένων μύσοσ; ἥδ’, οὐδὲν ἄλλο· δεινὰ γὰρ δεδράκατον. ἀλλ’ ἦ τιν’ ἔκανον βαρβάρων ἀκτῆσ ἔπι; οἰκεῖον ἦλθον τὸν φόνον κεκτημένοι. τίν’; εἰσ ἔρον γὰρ τοῦ μαθεῖν πεπτώκαμεν. μητέρα κατειργάσαντο κοινωνῷ ξίφει. Ἄπολλον, οὐδ’ ἐν βαρβάροισ ἔτλη τισ ἄν. πάσησ διωγμοῖσ ἠλάθησαν Ἑλλάδοσ. ἦ τῶνδ’ ἕκατι δῆτ’ ἄγαλμ’ ἔξω φέρεισ; σεμνόν γ’ ὑπ’ αἰθέρ’, ὡσ μεταστήσω φόνου. μίασμα δ’ ἔγνωσ τοῖν ξένοιν ποίῳ τρόπῳ; ἤλεγχον, ὡσ θεᾶσ βρέτασ ἀπεστράφη πάλιν. σοφήν σ’ ἔθρεψεν Ἑλλάσ, ὡσ ᾔσθου καλῶσ. καὶ μὴν καθεῖσαν δέλεαρ ἡδύ μοι φρενῶν. τῶν Ἀργόθεν τι φίλτρον ἀγγέλλοντέ σοι; τὸν μόνον Ὀρέστην ἐμὸν ἀδελφὸν εὐτυχεῖν. ὡσ δή σφε σῴσαισ ἡδοναῖσ ἀγγελμάτων. καὶ πατέρα γε ζῆν καὶ καλῶσ πράσσειν ἐμόν. σὺ δ’ ἐσ τὸ τῆσ θεοῦ γ’ ἐξένευσασ εἰκότωσ. πᾶσάν γε μισοῦσ’ Ἑλλάδ’, ἥ μ’ ἀπώλεσεν. τί δῆτα δρῶμεν, φράζε, τοῖν ξένοιν πέρι; τὸν νόμον ἀνάγκη τὸν προκείμενον σέβειν. οὔκουν ἐν ἔργῳ χέρνιβεσ ξίφοσ τε σόν; ἁγνοῖσ καθαρμοῖσ πρῶτά νιν νίψαι θέλω. πηγαῖσιν ὑδάτων ἢ θαλασσίᾳ δρόσῳ; θάλασσα κλύζει πάντα τἀνθρώπων κακά. ὁσιώτερον γοῦν τῇ θεῷ πέσοιεν ἄν. καὶ τἀμά γ’ οὕτω μᾶλλον ἂν καλῶσ ἔχοι. οὔκουν πρὸσ αὐτὸν ναὸν ἐκπίπτει κλύδων; ἐρημίασ δεῖ· καὶ γὰρ ἄλλα δράσομεν. ἄγ’ ἔνθα χρῄζεισ· οὐ φιλῶ τἄρρηθ’ ὁρᾶν. ἁγνιστέον μοι καὶ τὸ τῆσ θεοῦ βρέτασ. εἴπερ γε κηλὶσ ἔβαλέ νιν μητροκτόνοσ. οὐ γάρ ποτ’ ἄν νιν ἠράμην βάθρων ἄπο. δίκαιοσ ηὑσέβεια καὶ προμηθία.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Euripides, Iphigenia in Tauris, episode

(에우리피데스, Iphigenia in Tauris, episode)

상위

목록

SEARCH

MENU NAVIGATION