헬라어 문장 검색 - ΑριστόΚνιγητσ́05́02́0́

(아리스토텔레스, Parabasis, parabasis)

εἰ μέν τισ ἀνὴρ τῶν ἀρχαίων κωμῳδοδιδάσκαλοσ ἡμᾶσ ἠνάγκαζεν λέξοντασ ἔπη πρὸσ τὸ θέατρον παραβῆναι, οὐκ ἂν φαύλωσ ἔτυχεν τούτου· νῦν δ’ ἄξιόσ ἐσθ’ ὁ ποιητήσ, ὅτι τοὺσ αὐτοὺσ ἡμῖν μισεῖ τολμᾷ τε λέγειν τὰ δίκαια, καὶ γενναίωσ πρὸσ τὸν τυφῶ χωρεῖ καὶ τὴν ἐριώλην. ἃ δὲ θαυμάζειν ὑμῶν φησιν πολλοὺσ αὐτῷ προσιόντασ καὶ βασανίζειν ὡσ οὐχὶ πάλαι χορὸν αἰτοίη καθ’ ἑαυτόν, ἡμᾶσ ὑμῖν ἐκέλευε φράσαι περὶ τούτου. φησὶ γὰρ ἁνὴρ οὐχ ὑπ’ ἀνοίασ τοῦτο πεπονθὼσ διατρίβειν, ἀλλὰ νομίζων κωμῳδοδιδασκαλίαν εἶναι χαλεπώτατον ἔργον ἁπάντων· πολλῶν γὰρ δὴ πειρασάντων αὐτὴν ὀλίγοισ χαρίσασθαι· ὑμᾶσ τε πάλαι διαγιγνώσκων ἐπετείουσ τὴν φύσιν ὄντασ καὶ τοὺσ προτέρουσ τῶν ποιητῶν ἅμα τῷ γήρᾳ προδιδόντασ· τοῦτο μὲν εἰδὼσ ἅπαθε Μάγνησ ἅμα ταῖσ πολιαῖσ κατιούσαισ, ὃσ πλεῖστα χορῶν τῶν ἀντιπάλων νίκησ ἔστησε τροπαῖα· πάσασ δ’ ὑμῖν φωνὰσ ἱεὶσ καὶ ψάλλων καὶ πτερυγίζων καὶ λυδίζων καὶ ψηνίζων καὶ βαπτόμενοσ βατραχείοισ οὐκ ἐξήρκεσεν, ἀλλὰ τελευτῶν ἐπὶ γήρωσ, οὐ γὰρ ἐφ’ ἥβησ, ἐξεβλήθη πρεσβύτησ ὤν, ὅτι τοῦ σκώπτειν ἀπελείφθη· εἶτα Κρατίνου μεμνημένοσ, ὃσ πολλῷ ῥεύσασ ποτ’ ἐπαίνῳ διὰ τῶν ἀφελῶν πεδίων ἔρρει, καὶ τῆσ στάσεωσ παρασύρων ἐφόρει τὰσ δρῦσ καὶ τὰσ πλατάνουσ καὶ τοὺσ ἐχθροὺσ προθελύμνουσ· ᾆσαι δ’ οὐκ ἦν ἐν ξυμποσίῳ πλὴν Δωροῖ συκοπέδιλε, καὶ τέκτονεσ εὐπαλάμων ὕμνων· οὕτωσ ἤνθησεν ἐκεῖνοσ. νυνὶ δ’ ὑμεῖσ αὐτὸν ὁρῶντεσ παραληροῦντ’ οὐκ ἐλεεῖτε, ἐκπιπτουσῶν τῶν ἠλέκτρων καὶ τοῦ τόνου οὐκέτ’ ἐνόντοσ τῶν θ’ ἁρμονιῶν διαχασκουσῶν· ἀλλὰ γέρων ὢν περιέρρει, ὥσπερ Κοννᾶσ, στέφανον μὲν ἔχων αὐο͂ν δίψῃ δ’ ἀπολωλώσ, ὃν χρῆν διὰ τὰσ προτέρασ νίκασ πίνειν ἐν τῷ πρυτανείῳ, καὶ μὴ ληρεῖν ἀλλὰ θεᾶσθαι λιπαρὸν παρὰ τῷ Διονύσῳ. οἱάσ δὲ Κράτησ ὀργὰσ ὑμῶν ἠνέσχετο καὶ στυφελιγμούσ, ὃσ ἀπὸ σμικρᾶσ δαπάνησ ὑμᾶσ ἀριστίζων ἀπέπεμπεν, ἀπὸ κραμβοτάτου στόματοσ μάττων ἀστειοτάτασ ἐπινοίασ· χοὖτοσ μέντοι μόνοσ ἀντήρκει, τοτὲ μὲν πίπτων τοτὲ δ’ οὐχί. ταῦτ’ ὀρρωδῶν διέτριβεν ἀεί, καὶ πρὸσ τούτοισιν ἔφασκεν ἐρέτην χρῆναι πρῶτα γενέσθαι πρὶν πηδαλίοισ ἐπιχειρεῖν, κᾆτ’ ἐντεῦθεν πρῳρατεῦσαι καὶ τοὺσ ἀνέμουσ διαθρῆσαι, κᾆτα κυβερνᾶν αὐτὸν ἑαυτῷ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristotle, Parabasis, parabasis

(아리스토텔레스, Parabasis, parabasis)

목록

SEARCH

MENU NAVIGATION