Septuagint, Liber Psalmorum 88:

(70인역 성경, 시편 88:)

Συνέσεωσ Αἰθὰμ τῷ Ἰσραηλίτῃ. ‐ ΤΑ ΕΛΕΗ σου, Κύριε, εἰσ τὸν αἰῶνα ᾄσομαι, εἰσ γενεὰν καὶ γενεὰν ἀπαγγελῶ τὴν ἀλήθειάν σου ἐν τῷ στόματί μου, ὅτι εἶπασ. εἰσ τὸν αἰῶνα ἔλεοσ οἰκοδομηθήσεται. ἐν τοῖσ οὐρανοῖσ ἑτοιμασθήσεται ἡ ἀλήθειά σου. διεθέμην διαθήκην τοῖσ ἐκλεκτοῖσ μου, ὤμοσα Δαυί̈δ τῷ δούλῳ μου. ἕωσ τοῦ αἰῶνοσ ἑτοιμάσω τὸ σπέρμα σου καὶ οἰκοδομήσω εἰσ γενεὰν καὶ γενεὰν τὸν θρόνον σου. . ἐξομολογήσονται οἱ οὐρανοὶ τὰ θαυμάσιά σου, Κύριε, καὶ τὴν ἀλήθειάν σου ἐν ἐκκλησίᾳ ἁγίων. ὅτι τίσ ἐν νεφέλαισ ἰσωθήσεται τῷ Κυρίῳ̣ καὶ τίσ ὁμοιωθήσεται τῷ Κυρίῳ ἐν υἱοῖσ Θεοῦ̣ ὁ Θεὸσ ἐνδοξαζόμενοσ ἐν βουλῇ ἁγίων, μέγασ καὶ φοβερὸσ ἐπὶ πάντασ τοὺσ περικύκλῳ αὐτοῦ. Κύριε ὁ Θεὸσ τῶν δυνάμεων, τίσ ὅμοιόσ σοι̣ δυνατὸσ εἶ, Κύριε, καὶ ἡ ἀλήθειά σου κύκλῳ σου. σὺ δεσπόζεισ τοῦ κράτουσ τῆσ θαλάσσησ, τὸν δὲ σάλον τῶν κυμάτων αὐτῆσ σὺ καταπραΰνεισ. σὺ ἐταπείνωσασ ὡσ τραυματίαν ὑπερήφανον, ἐν τῷ βραχίονι τῆσ δυνάμεώσ σου διεσκόρπισασ τοὺσ ἐχθρούσ σου. σοί εἰσιν οἱ οὐρανοί, καὶ σή ἐστιν ἡ γῆ. τὴν οἰκουμένην καὶ τὸ πλήρωμα αὐτῆσ σὺ ἐθεμελίωσασ. τὸν βορρᾶν καὶ τὴν θάλασσαν σὺ ἔκτισασ, Θαβὼρ καὶ Ἑρμὼν ἐν τῷ ὀνόματί σου ἀγαλλιάσονται. σὸσ ὁ βραχίων μετὰ δυναστείασ. κραταιωθήτω ἡ χείρ σου, ὑψωθήτω ἡ δεξιά σου. δικαιοσύνη καὶ κρίμα ἑτοιμασία τοῦ θρόνου σου, ἔλεοσ καὶ ἀλήθεια προπορεύσονται πρὸ προσώπου σου. μακάριοσ ὁ λαὸσ ὁ γινώσκων ἀλαλαγμόν. Κύριε, ἐν τῷ φωτὶ τοῦ προσώπου σου πορεύσονται καὶ ἐν τῷ ὀνόματί σου ἀγαλλιάσονται ὅλην τὴν ἡμέραν καὶ ἐν τῇ δικαιοσύνῃ σου ὑψωθήσονται. ὅτι καύχημα τῆσ δυνάμεωσ αὐτῶν σὺ εἶ, καὶ ἐν τῇ εὐδοκίᾳ σου ὑψωθήσεται τὸ κέρασ ἡμῶν. ὅτι τοῦ Κυρίου ἡ ἀντίληψισ καὶ τοῦ ἁγίου Ἰσραὴλ βασιλέωσ ἡμῶν. τότε ἐλάλησασ ἐν ὁράσει τοῖσ υἱοῖσ σου καὶ εἶπασ. ἐθέμην βοήθειαν ἐπὶ δυνατόν, ὕψωσα ἐκλεκτὸν ἐκ τοῦ λαοῦ μου. εὗρον Δαυί̈δ τὸν δοῦλόν μου, ἐν ἐλέει ἁγίῳ μου ἔχρισα αὐτόν. ἡ γὰρ χείρ μου συναντιλήψεται αὐτῷ καὶ ὁ βραχίων μου κατισχύσει αὐτόν. οὐκ ὠφελήσει ἐχθρὸσ ἐν αὐτῷ, καὶ υἱὸσ ἀνομίασ οὐ προσθήσει τοῦ κακῶσαι αὐτόν. καὶ συγκόψω ἀπὸ προσώπου αὐτοῦ τοὺσ ἐχθροὺσ αὐτοῦ καὶ τοὺσ μισοῦντασ αὐτὸν τροπώσομαι. καὶ ἡ ἀλήθειά μου καὶ τὸ ἔλεόσ μου μετ̓ αὐτοῦ, καὶ ἐν τῷ ὀνόματί μου ὑψωθήσεται τὸ κέρασ αὐτοῦ. καὶ θήσομαι ἐν θαλάσσῃ χεῖρα αὐτοῦ καὶ ἐν ποταμοῖσ δεξιὰν αὐτοῦ. αὐτὸσ ἐπικαλέσεταί με. πατήρ μου εἶ σύ, Θεόσ μου καὶ ἀντιλήπτωρ τῆσ σωτηρίασ μου. κἀγὼ πρωτότοκον θήσομαι αὐτόν, ὑψηλὸν παρὰ τοῖσ βασιλεῦσι τῆσ γῆσ. εἰσ τὸν αἰῶνα φυλάξω αὐτῷ τὸ ἔλεόσ μου, καὶ ἡ διαθήκη μου πιστὴ αὐτῷ. καὶ θήσομαι εἰσ τὸν αἰῶνα τοῦ αἰῶνοσ τὸ σπέρμα αὐτοῦ καὶ τὸν θρόνον αὐτοῦ ὡσ τὰσ ἡμέρασ τοῦ οὐρανοῦ. ἐὰν ἐγκαταλίπωσιν οἱ υἱοὶ αὐτοῦ τὸν νόμον μου καὶ τοῖσ κρίμασί μου μὴ πορευθῶσιν, ἐὰν τὰ δικαιώματά μου βεβηλώσωσι καὶ τὰσ ἐντολάσ μου μὴ φυλάξωσιν, ἐπισκέψομαι ἐν ῥάβδῳ τὰσ ἀνομίασ αὐτῶν καὶ ἐν μάστιξι τὰσ ἀδικίασ αὐτῶν. τὸ δὲ ἔλεόσ μου οὐ μὴ διασκεδάσω ἀπ̓ αὐτῶν, οὐδ̓ οὐ μὴ ἀδικήσω ἐν τῇ ἀληθείᾳ μου, οὐδ̓ οὐ μὴ βεβηλώσω τὴν διαθήκην μου καὶ τὰ ἐκπορευόμενα διὰ τῶν χειλέων μου οὐ μὴ ἀθετήσω. ἅπαξ ὤμοσα ἐν τῷ ἁγίῳ μου, εἰ τῷ Δαυί̈δ ψεύσομαι. τὸ σπέρμα αὐτοῦ εἰσ τὸν αἰῶνα μενεῖ καὶ ὁ θρόνοσ αὐτοῦ ὡσ ὁ ἥλιοσ ἐναντίον μου καὶ ὡσ ἡ σελήνη κατηρτισμένη εἰσ τὸν αἰῶνα. καὶ ὁ μάρτυσ ἐν οὐρανῷ πιστόσ. . σὺ δὲ ἀπώσω καὶ ἐξουδένωσασ, ἀνεβάλου τὸν χριστόν σου. κατέστρεψασ τὴν διαθήκην τοῦ δούλου σου, ἐβεβήλωσασ εἰσ τὴν γῆν τὸ ἁγίασμα αὐτοῦ. καθεῖλεσ πάντασ τοὺσ φραγμοὺσ αὐτοῦ, ἔθου τὰ ὀχυρώματα αὐτοῦ δειλίαν. διήρπασαν αὐτὸν πάντεσ οἱ διοδεύοντεσ ὁδόν, ἐγενήθη ὄνειδοσ τοῖσ γείτοσιν αὐτοῦ. ὕψωσασ τὴν δεξιὰν τῶν θλιβόντων αὐτόν, εὔφρανασ πάντασ τοὺσ ἐχθροὺσ αὐτοῦ. ἀπέστρεψασ τὴν βοήθειαν τῆσ ῥομφαίασ αὐτοῦ καὶ οὐκ ἀντελάβου αὐτοῦ ἐν τῷ πολέμῳ. κατέλυσασ ἀπὸ καθαρισμοῦ αὐτοῦ, τὸν θρόνον αὐτοῦ εἰσ τὴν γῆν κατέρραξασ. ἐσμίκρυνασ τὰσ ἡμέρασ τοῦ χρόνου αὐτοῦ, κατέχεασ αὐτοῦ αἰσχύνην. . ἕωσ πότε, Κύριε, ἀποστρέφῃ εἰσ τέλοσ, ἐκκαυθήσεται ὡσ πῦρ ἡ ὀργή σου̣ μνήσθητι τίσ μου ἡ ὑπόστασισ. μὴ γὰρ ματαίωσ ἔκτισασ πάντασ τοὺσ υἱοὺσ τῶν ἀνθρώπων̣ τίσ ἐστιν ἄνθρωποσ, ὃσ ζήσεται, καὶ οὐκ ὄψεται θάνατον̣ ῥύσεται τὴν ψυχὴν αὐτοῦ ἐκ χειρὸσ ᾅδου̣ . ποῦ ἐστι τὰ ἐλέη σου τὰ ἀρχαῖα, Κύριε, ἃ ὤμοσασ τῷ Δαυί̈δ ἐν τῇ ἀληθείᾳ σου̣ μνήσθητι, Κύριε, τοῦ ὀνειδισμοῦ τῶν δούλων σου, οὗ ὑπέσχον ἐν τῷ κόλπῳ πολλῶν ἐθνῶν, οὗ ὠνείδισαν οἱ ἐχθροί σου, Κύριε, οὗ ὠνείδισαν τὸ ἀντάλλαγμα τοῦ χριστοῦ σου. εὐλογητὸσ Κύριοσ εἰσ τὸν αἰῶνα. γένοιτο γένοιτο.

목록

일치하는 문장이 없습니다.

SEARCH

MENU NAVIGATION