Homer, Iliad, Book 5 76:

(호메로스, 일리아스, Book 5 76:)

ὣσ ἔφατ’, οὐδ’ ἀπίθησε θεὰ γλαυκῶπισ Ἀθήνη. ἣ μὲν ἐποιχομένη χρυσάμπυκασ ἔντυεν ἵππουσ Ἥρη πρέσβα θεὰ θυγάτηρ μεγάλοιο Κρόνοιο· Ἥβη δ’ ἀμφ’ ὀχέεσσι θοῶσ βάλε καμπύλα κύκλα χάλκεα ὀκτάκνημα σιδηρέῳ ἄξονι ἀμφίσ. τῶν ἤτοι χρυσέη ἴτυσ ἄφθιτοσ, αὐτὰρ ὕπερθε χάλκε’ ἐπίσσωτρα προσαρηρότα, θαῦμα ἰδέσθαι· πλῆμναι δ’ ἀργύρου εἰσὶ περίδρομοι ἀμφοτέρωθεν· δίφροσ δὲ χρυσέοισι καὶ ἀργυρέοισιν ἱμᾶσιν ἐντέταται, δοιαὶ δὲ περίδρομοι ἄντυγέσ εἰσι. τοῦ δ’ ἐξ ἀργύρεοσ ῥυμὸσ πέλεν· αὐτὰρ ἐπ’ ἄκρῳ δῆσε χρύσειον καλὸν ζυγόν, ἐν δὲ λέπαδνα κάλ’ ἔβαλε χρύσει’· ὑπὸ δὲ ζυγὸν ἤγαγεν Ἥρη ἵππουσ ὠκύποδασ, μεμαυῖ’ ἔριδοσ καὶ ἀϋτῆσ.

일치하는 문장이 없습니다.

SEARCH

MENU NAVIGATION