Euripides, Helen, episode, lyric

(에우리피데스, Helen, episode, lyric)

φίλαι, λόγουσ ἐδεξάμαν· βᾶτε βᾶτε δ’ ἐσ δόμουσ, ἀγῶνασ ἐντὸσ οἴκων ὡσ πύθησθε τοὺσ ἐμούσ. θέλουσαν οὐ μόλισ καλεῖσ. ἰὼ μέλεοσ ἁμέρα. τίν’ ἄρα τάλαινα τίνα δακρυό‐ εντα λόγον ἀκούσομαι; μὴ πρόμαντισ ἀλγέων προλάμβαν’, ὦ φίλα, γόουσ. τί μοι πόσισ μέλεοσ ἔτλα; πότερα δέρκεται φάοσ τέθριππά θ’ ἁλίου κέλευθά τ’ ἀστέρων, ἢ ’ν νέκυσι κατὰ χθονὸσ τὰν χρόνιον ἔχει τύχαν; ἐσ τὸ φέρτερον τίθει τὸ μέλλον, ὅ τι γενήσεται. σὲ γὰρ ἐκάλεσα, σὲ δὲ κατόμοσα, τὸν ὑδρόεντι δόνακι χλωρὸν Εὐρώταν, θανόντοσ εἰ βάξισ ἔτυμοσ ἀνδρὸσ ἅδε μοι ‐ τί τάδ’ ἀσύνετα; ‐ φόνιον αἰώρημα διὰ δέρησ ὀρέξομαι, ἢ ξιφοκτόνον δίωγμα λαιμορρύτου σφαγᾶσ αὐτοσίδαρον ἔσω πελάσω διὰ σαρκὸσ ἅμιλλαν, θῦμα τριζύγοισ θεαῖσι τῷ τε σήραγγασ Ἰδαί ασ ἐνίζοντι Πριαμί δᾳ ποτ’ ἀμφὶ βουστάθμουσ. ἄλλοσ’ ἀποτροπὰ κακῶν γένοιτο, τὸ δὲ σὸν εὐτυχέσ.

일치하는 문장이 없습니다.

SEARCH

MENU NAVIGATION