Aristophanes, Wasps, Choral, strophe

(아리스토파네스, Wasps, Choral, strophe)

εἰπέ μοι τί μέλλομεν κινεῖν ἐκείνην τὴν χολήν, ἥνπερ, ἡνίκ’ ἄν τισ ἡμῶν ὀργίσῃ τὴν σφηκιάν; νῦν ἐκεῖνο νῦν ἐκεῖνο τοὐξύθυμον, ᾧ κολαζόμεσθα, κέντρον ἐντέτατ’ ὀξύ. ἀλλὰ θαἰμάτια βαλόντεσ ὡσ τάχιστα, παιδία, θεῖτε καὶ βοᾶτε, καὶ Κλέωνι ταῦτ’ ἀγγέλλετε, καὶ κελεύετ’ αὐτὸν ἥκειν ὡσ ἐπ’ ἄνδρα μισόπολιν ὄντα κἀπολούμενον, ὅτι τόνδε λόγον ἐσφέρει, μὴ δικάζειν δίκασ. ὦγαθοὶ τὸ πρᾶγμ’ ἀκούσατ’, ἀλλὰ μὴ κεκράγετε. νὴ Δί’ ἐσ τὸν οὐρανόν γ’. ὡσ τοῦδ’ ἐγὼ οὐ μεθήσομαι. ταῦτα δῆτ’ οὐ δεινὰ καὶ τυραννίσ ἐστιν ἐμφανήσ; ὦ πόλισ καὶ Θεώρου θεοισεχθρία, κεἴ τισ ἄλλοσ προέστηκεν ἡμῶν κόλαξ.

일치하는 문장이 없습니다.

SEARCH

MENU NAVIGATION