Appian, The Foreign Wars, chapter 8 5:

(아피아노스, The Foreign Wars, chapter 8 5:)

Ἐν τούτῳ δὲ καὶ Ἀσδρούβασ ὁ ἀδελφὸσ Ἀννίβου, τὴν στρατιὰν ἣν ἐξενάγησεν ἐν τοῖσ Κελτίβηρσιν ἔχων, διέβαινεν ἐσ τὴν Ἰταλίαν, καὶ Κελτῶν φιλίωσ αὐτὸν δεχομένων τὰ Ἄλπεια ὄρη, ὡδοποιημένα πρότερον ὑπὸ Ἀννίβου, διώδευε δύο μησίν, ὅσα τέωσ Ἀννίβασ ἓξ διῆλθεν. ἐσέβαλέ τε ἐσ Τυρρηνίαν ἄγων πεζοὺσ μὲν τετρακισμυρίουσ ἐπὶ ὀκτακισχιλίοισ, ἱππέασ δὲ ὀκτακισχιλίουσ καὶ ἐλέφαντασ πεντεκαίδεκα. καὶ γράμματα πρὸσ τὸν ἀδελφὸν ἔπεμπε, δηλῶν ὅτι παρείη. τούτων τῶν γραμμάτων ὑπὸ Ῥωμαίων ἁλόντων, οἱ ὕπατοι Σαλινάτωρ καὶ Νέρων μαθόντεσ αὐτοῦ τὸ πλῆθοσ τῆσ στρατιᾶσ ἀπὸ τῶν γραμμάτων, συνῆλθον ἐσ τὸ αὐτὸ πάσαισ ταῖσ δυνάμεσι, καὶ ἀντεστρατοπέδευσαν αὐτῷ περὶ πόλιν Σήνασ. ὁ δ’ οὔπω μάχεσθαι κεκρικώσ, ἀλλὰ τῷ ἀδελφῷ συνελθεῖν ἐπειγόμενοσ, ὑπεχώρει. καὶ νυκτὸσ ἀναζεύξασ περὶ ἕλη καὶ τέλματα καὶ ποταμὸν οὐκ εὔπορον ἠλᾶτο, μέχρι φανείσησ ἡμέρασ οἱ Ῥωμαῖοι καταλαβόντεσ αὐτοὺσ διερριμμένουσ τε καὶ κεκμηκότασ ὑπ’ ἀγρυπνίασ καὶ κόπου, πλείστουσ μὲν αὐτῶν ἅμα τοῖσ ταξιάρχοισ συντασσομένουσ ἔτι καὶ συνιόντασ διέφθειραν, καὶ αὐτὸν ἐπ’ ἐκείνοισ Ἀσδρούβαν, πλείστουσ δ’ αἰχμαλώτουσ ἔλαβον, καὶ μεγάλου δέουσ ἀπήλλαξαν τὴν Ἰταλίαν, ἀμάχου ἂν σφίσι του Ἀννίβου γενομένου, εἰ καὶ τήνδε τὴν στρατιὰν προσέλαβεν.

일치하는 문장이 없습니다.

SEARCH

MENU NAVIGATION