Appian, The Civil Wars, book 3, chapter 6 4:

(아피아노스, The Civil Wars, book 3, chapter 6 4:)

Ὧδε δ’ εἰπόντοσ αὐτοῦ καὶ τὴν ἐκκλησίαν διαλύσαντοσ ἐπὶ τῷδε, ὁ στρατὸσ ἡγούμενοσ ἐσ τὸ ἐναντίον ἐπὶ διαλλαγαῖσ Ἀντωνίου τε καὶ Καίσαροσ ἀφῖχθαι ἢ ἐσ μόνην γε φυλακὴν τοῦ Καίσαροσ καὶ τῶν φονέων ἄμυναν, ἤχθοντο τῇ κατ’ Ἀντωνίου προαγορεύσει, στρατηγοῦ τε σφῶν γεγονότοσ καὶ ὄντοσ ὑπάτου· καὶ οἱ μὲν αὐτῶν ἐπανελθεῖν ᾔτουν εἰσ τὰ οἰκεῖα ὡσ ὁπλιούμενοι· οὐ γὰρ ἄλλων ἢ τῶν ἰδίων ὅπλων ἀνέξεσθαι· οἱ δὲ καὶ τὸ ἀληθὲσ ὑπέφαινον. ὁ δὲ Καῖσαρ ἠπόρητο μὲν ἐσ τὸ ἐναντίον ὧν προσεδόκησε μετενεχθείσ, ἐλπίσασ δ’ αὐτῶν πειθοῖ μᾶλλον ἢ βίᾳ περιέσεσθαι, συνεχώρει ταῖσ προφάσεσι καὶ τοὺσ μὲν ἐπὶ τὰ ὅπλα ἔπεμπε, τοὺσ δὲ ἁπλῶσ ἐσ τὰ οἰκεῖα. πάντασ δ’, ἐπικρύπτων τὴν ἀχθηδόνα, ἐπῄνει τῆσ συνόδου καὶ ἐδωρεῖτο ἑτέραισ δωρεαῖσ καὶ δαψιλέστερον ἔτι ἀμείψεσθαι ἔλεγεν, αἰεὶ χρώμενοσ ἐσ τὰ ἐπείγοντα ὡσ πατρικοῖσ φίλοισ μᾶλλον ἢ στρατιώταισ. χιλίουσ μὲν δὴ μόνουσ ἢ τρισχιλίουσ τάδε λέγων ἐπέκλασεν ἐκ μυρίων οἱ παραμεῖναι ̔διαφέρονται γὰρ περὶ τοῦ ἀριθμοῦ̓. οἱ δὲ λοιποὶ τότε μὲν ἐξῄεσαν, ἀνεμιμνήσκοντο δ’ αὐτίκα γεωργίασ τε πόνων καὶ κερδῶν στρατείασ καὶ λόγων τῶν Καίσαροσ καὶ εὐπειθείασ αὐτοῦ, πρὸσ ἃ ἐβούλοντο, καὶ χαρίτων, ὧν τε εἰλήφεσαν καὶ ὧν ἤλπιζον ἔτι λήψεσθαι. οἱο͂́ν τε ὄχλοσ ἀνώμαλοσ μετενόουν καὶ τῆσ προφάσεωσ ἐσ εὐπρέπειαν ἐπιβαίνοντεσ ὡπλίζοντο καὶ πρὸσ αὐτὸν ἐπανῄεσαν. ὁ δὲ ἤδη μετὰ χρημάτων ἄλλων τήν τε Ῥάβενναν καὶ τὰ ἀγχοῦ πάντα περιῄει, στρατεύων ἑτέρουσ ἐφ’ ἑτέροισ· καὶ πάντασ ἐσ Ἀρρήτιον ἔπεμπεν.

일치하는 문장이 없습니다.

SEARCH

MENU NAVIGATION