Appian, The Civil Wars, book 3, chapter 3 4:

(아피아노스, The Civil Wars, book 3, chapter 3 4:)

Διέδειξαν δὲ παρὰ τὰσ Βρούτου θέασ, πολυτελεστάτασ δὴ γενομένασ· ἐμμίσθων γάρ τινων ἀνακραγόντων κατακαλεῖν Βροῦτόν τε καὶ Κάσσιον, ἐπεὶ τὸ λοιπὸν αὐτοῖσ θέατρον συνεδημαγωγεῖτο ἐσ τὸν ἔλεον, ἐσέδραμον ἀθρόοι καὶ τὰσ θέασ ἐπέσχον, μέχρι τὴν ἀξίωσιν αὐτῶν σβέσαι. Βροῦτοσ δὲ καὶ Κάσσιοσ, ἐπεὶ σφῶν τὰσ ἐλπίδασ τὰσ ἐν ταῖσ θέαισ ὁ Καῖσαρ διέχεεν, ἔγνωσαν εἰσ Συρίαν καὶ Μακεδονίαν, ὡσ πρὸ Ἀντωνίου καὶ Δολοβέλλα σφίσιν ἐψηφισμένασ, χωρεῖν καὶ βιάζεσθαι. καὶ τῶνδε φανερῶν γενομένων ἠπείγετο καὶ Δολοβέλλασ εἰσ τὴν Συρίαν, καὶ πρὸ Συρίασ ἐσ τὴν Ἀσίαν, ὡσ χρηματιούμενοσ ἀπ’ αὐτῆσ. ὁ δ’ Ἀντώνιοσ ἡγούμενοσ ἐσ τὰ μέλλοντά οἱ δεήσειν δυνάμεωσ, τὴν ἐν Μακεδονίᾳ στρατιάν, ἀρετῇ τε οὖσαν ἀρίστην καὶ πλήθει μεγίστην, ‐‐ ἓξ γὰρ ἦν τέλη ̔καὶ ὅσον ἄλλο πλῆθοσ αὐτοῖσ τοξοτῶν καὶ ψιλῶν ἢ γυμνητῶν συνεζεύγνυτο, ἵπποσ τε πολλὴ καὶ παρασκευὴ κατὰ λόγον ἐντελήσ̓ δοκοῦντα προσήκειν Δολοβέλλᾳ, Συρίαν καὶ τὰ ἐσ Παρθυαίουσ ἐπιτετραμμένῳ, διότι καὶ ὁ Καῖσαρ αὐτοῖσ ἐσ Παρθυαίουσ ἔμελλε χρῆσθαι ‐‐ πρὸσ ἑαυτὸν ἐπενόει μετενεγκεῖν, ὅτι καὶ μάλιστα ἦν ἀγχοῦ, ὡσ τὸν Ιὄνιον περάσαντα εὐθὺσ ἐν τῇ Ἰταλίᾳ εἶναι.

일치하는 문장이 없습니다.

SEARCH

MENU NAVIGATION