Appian, The Civil Wars, book 2, chapter 19 6:

(아피아노스, The Civil Wars, book 2, chapter 19 6:)

"Οἱ δὲ ὑμῖν τὰ τῶν ὑμετέρων ὁμοεθνῶν διένεμον, τῶν ἐπὶ Κελτοὺσ ὑμᾶσ αὐτῷ Καίσαρι στρατευσάντων καὶ προπεμψάντων καὶ εὐξαμένων πολλὰ κατὰ τῶν ὑμετέρων νικητηρίων. καὶ συνῴκιζον ὑμᾶσ ἐσ ταῦτα ἀθρόουσ ὑπὸ σημείοισ καὶ συντάξει στρατιωτικῇ, μήτε εἰρηνεύειν δυναμένουσ μήτε ἀδεεῖσ εἶναι τῶν ἐξελαθέντων· ὁ γὰρ ἀλώμενοσ καὶ τῶν ὄντων ἀφῃρημένοσ ἔμελλεν ὑμῖν περιπολῶν ἐφεδρεύειν καιροφυλακῶν. τοῦτο δ’ ἦν, ὅπερ οἱ τύραννοι μάλιστα ἐβούλοντο, οὐ γῆν ὑμᾶσ λαβεῖν, ἣν δὴ καὶ ἑτέρωθεν εἶχον παρασχεῖν, ἀλλ’ ὅπωσ ἐχθροὺσ ἐφεδρεύοντασ ἔχοντεσ ἀεὶ βέβαιοι φύλακεσ ἦτε τῆσ ἀρχῆσ τῆσ ταῦτα ὑμῖν συναδικούσησ· εὔνοια γὰρ ἐσ τυράννουσ γίγνεται δορυφόρων ἐκ τοῦ συναδικεῖν καὶ συνδεδιέναι. καὶ τοῦτο, ὦ θεοί, συνοικισμὸν ἐκάλουν, ᾧ θρῆνοσ ὁμοφύλων ἀνδρῶν ἐπῆν καὶ ἀνάστασισ οὐδὲν ἀδικούντων. "Ἀλλ’ ἐκεῖνοι μὲν ὑμᾶσ ἐξεπίτηδεσ ἐχθροὺσ ἐποίουν τοῖσ ὁμοεθνέσιν ὑπὲρ τοῦ σφετέρου συμφέροντοσ· ἡμεῖσ δέ, οὓσ οἱ νῦν τῆσ πατρίδοσ προστάται φασὶν ἐλέῳ περισῴζειν, τήν τε γῆν ὑμῖν τήνδε αὐτὴν ἐσαεὶ βεβαιοῦμεν καὶ βεβαιώσομεν καὶ μάρτυρα τὸν θεὸν τῶνδε ποιούμεθα. καὶ ἔχετε καὶ ἕξετε, ἃ εἰλήφατε· καὶ οὐ μή τισ ὑμᾶσ ἀφέληται ταῦτα, οὐ Βροῦτοσ, οὐ Κάσσιοσ, οὐχ οἵδε πάντεσ, οἳ τῆσ ὑμετέρασ ἐλευθερίασ προεκινδυνεύσαμεν. ὃ δ’ ἐν τῷ ἔργῳ μόνον ἐστὶν ἐπίμεμπτον, ἰασόμεθα ἡμεῖσ, διαλλακτήριον ὑμῖν ἅμα ἐσ τοὺσ ὁμοεθνεῖσ ἐσόμενον καὶ ἥδιστον ἤδη πυθομένοισ. οἷσ τὴν τιμὴν τῆσδε τῆσ γῆσ τοῖσ ἀφῃρημένοισ ἡμεῖσ ἐκ τῶν δημοσίων χρημάτων εὐθὺσ ἐκ πρώτησ ἀφορμῆσ ἀποδώσομεν, ἵνα μὴ βέβαιον ἔχητε μόνον ὑμεῖσ τὴν κληρουχίαν, ἀλλὰ καὶ ἄφθονον.

일치하는 문장이 없습니다.

SEARCH

MENU NAVIGATION