헬라어 문장 검색 - Αππιαν́ΤηεΞιϝί1́09́06́

(아피아노스, The Civil Wars, book 1, chapter 8 6:)

Μάριοσ δ’ ἐπεὶ τῆσ ἀγορᾶσ τῆσ ἔκ τε θαλάσσησ καὶ ἄνωθεν ἀπὸ τοῦ ποταμοῦ φερομένησ κατέσχεν, ἐπὶ τὰσ ἀγχοῦ τῆσ Ῥώμησ πόλεισ διετρόχαζεν, ἔνθα σῖτοσ ἦν τοῖσ Ῥωμαίοισ προσεσωρευμένοσ. ἄφνω δὲ τοῖσ φρουροῦσιν αὐτὸν ἐπιπίπτων εἷλε μὲν Ἄντιον καὶ Ἀρικίαν καὶ Λανούβιον καὶ ἄλλασ πόλεισ, ἔστιν ἃ καὶ προδιδόντων τινῶν· ὡσ δὲ καὶ τῆσ κατὰ γῆν ἐκράτησεν ἀγορᾶσ, εὐθαρσῶσ ἐβάδιζεν ἐπὶ τὴν Ῥώμην αὐτίκα διὰ τῆσ ὁδοῦ τῆσ καλουμένησ Ἀππίασ, πρίν τινα αὐτοῖσ ἀγορὰν ἄλλην ἑτέρωθεν ἀχθῆναι. τοῦ δ’ ἄστεοσ ἑκατὸν σταδίουσ αὐτόσ τε καὶ Κίννασ καὶ οἱ στρατηγοῦντεσ αὐτοῖσ Κάρβων τε καὶ Σερτώριοσ ἀποσχόντεσ ἐστρατοπέδευσαν, Ὀκταουίου καὶ Κράσσου καὶ Μετέλλου περὶ τὸ ὄροσ τὸ Ἀλβανὸν αὐτοῖσ ἀντικαθημένων καὶ τὸ μέλλον ἔσεσθαι περιβλεπομένων, ἀρετῇ μὲν ἔτι καὶ πλήθει νομιζομένων εἶναι κρειττόνων, ὀκνούντων δ’ ὑπὲρ ὅλησ ὀξέωσ κινδυνεῦσαι τῆσ πατρίδοσ διὰ μάχησ μιᾶσ. ὡσ δὲ περιπέμψασ ὁ Κίννασ περὶ τὸ ἄστυ κήρυκασ ἐδίδου τοῖσ ἐσ αὐτὸν αὐτομολοῦσι θεράπουσιν ἐλευθερίαν, κατὰ πλῆθοσ ηὐτομόλουν αὐτίκα· καὶ ἡ βουλὴ ταραττομένη καὶ πολλὰ καὶ δεινά, εἰ βραδύνειεν ἡ σιτοδεία, παρὰ τοῦ δήμου προσδοκῶσα μετέπιπτε τῇ γνώμῃ καὶ πρέσβεισ περὶ διαλύσεων ἐσ τὸν Κίνναν ἔπεμπον. ὁ δὲ αὐτοὺσ ἤρετο, πότερον ὡσ πρὸσ ὕπατον ἔλθοιεν ἢ πρὸσ ἰδιώτην. ἀπορησάντων δ’ ἐκείνων καὶ ἐσ τὸ ἄστυ ἐπανελθόντων, πολλοὶ καὶ τῶν ἐλευθέρων ἤδη κατὰ πλῆθοσ πρὸσ τὸν Κίνναν ἐξεπήδων, οἱ μὲν περὶ τῷ λιμῷ δεδιότεσ, οἱ δὲ πρὸ πολλοῦ τὰ ἐκείνων αἱρούμενοι καὶ τὴν ῥοπὴν τῶν γιγνομένων περιμένοντεσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Civil Wars, book 1, chapter 8 6:

(아피아노스, The Civil Wars, book 1, chapter 8 6:)

상위

목록

SEARCH

MENU NAVIGATION