Apollodorus, Library and Epitome, book 2, chapter 5 10:

(아폴로도로스, Library and Epitome, book 2, chapter 5 10:)

δέκατον ἐπετάγη ἆθλον τὰσ Γηρυόνου βόασ ἐξ Ἐρυθείασ κομίζειν. Ἐρύθεια δὲ ἦν Ὠκεανοῦ πλησίον κειμένη νῆσοσ, ἣ νῦν Γάδειρα καλεῖται. ταύτην κατῴκει Γηρυόνησ Χρυσάοροσ καὶ Καλλιρρόησ τῆσ Ὠκεανοῦ, τριῶν ἔχων ἀνδρῶν συμφυὲσ σῶμα, συνηγμένον εἰσ ἓν κατὰ τὴν γαστέρα, ἐσχισμένον δὲ εἰσ τρεῖσ ἀπὸ λαγόνων τε καὶ μηρῶν. εἶχε δὲ φοινικᾶσ βόασ, ὧν ἦν βουκόλοσ Εὐρυτίων, φύλαξ δὲ Ὄρθοσ ὁ κύων δικέφαλοσ ἐξ Ἐχίδνησ καὶ Τυφῶνοσ γεγεννημένοσ. πορευόμενοσ οὖν ἐπὶ τὰσ Γηρυόνου βόασ διὰ τῆσ Εὐρώπησ, ἄγρια πολλὰ <ζῷα> ἀνελὼν Λιβύησ ἐπέβαινε, καὶ παρελθὼν Ταρτησσὸν ἔστησε σημεῖα τῆσ πορείασ ἐπὶ τῶν ὁρ́ων Εὐρώπησ καὶ Λιβύησ ἀντιστοίχουσ δύο στήλασ. θερόμενοσ δὲ ὑπὸ Ἡλίου κατὰ τὴν πορείαν, τὸ τόξον ἐπὶ τὸν θεὸν ἐνέτεινεν· ὁ δὲ τὴν ἀνδρείαν αὐτοῦ θαυμάσασ χρύσεον ἔδωκε δέπασ, ἐν ᾧ τὸν Ὠκεανὸν διεπέρασε. καὶ παραγενόμενοσ εἰσ Ἐρύθειαν ἐν ὄρει Ἄβαντι αὐλίζεται. αἰσθόμενοσ δὲ ὁ κύων ἐπ’ αὐτὸν ὡρ́μα· ὁ δὲ καὶ τοῦτον τῷ ῥοπάλῳ παίει, καὶ τὸν βουκόλον Εὐρυτίωνα τῷ κυνὶ βοηθοῦντα ἀπέκτεινε. Μενοίτησ δὲ ἐκεῖ τὰσ Αἵδου βόασ βόσκων Γηρυόνῃ τὸ γεγονὸσ ἀπήγγειλεν. ὁ δὲ καταλαβὼν Ἡρακλέα παρὰ ποταμὸν Ἀνθεμοῦντα τὰσ βόασ ἀπάγοντα, συστησάμενοσ μάχην τοξευθεὶσ ἀπέθανεν. Ἡρακλῆσ δὲ ἐνθέμενοσ τὰσ βόασ εἰσ τὸ δέπασ καὶ διαπλεύσασ εἰσ Ταρτησσὸν Ἡλίῳ πάλιν ἀπέδωκε τὸ δέπασ. διελθὼν δὲ Ἀβδηρίαν εἰσ Λιγυστίνην ἦλθεν, ἐν ᾗ τὰσ βόασ ἀφῃροῦντο Ιἀλεβίων τε καὶ Δέρκυνοσ οἱ Ποσειδῶνοσ υἱοί, οὓσ κτείνασ διὰ Τυρρηνίασ ᾔει. ἀπὸ Ῥηγίου δὲ εἷσ ἀπορρήγνυσι ταῦροσ, καὶ ταχέωσ εἰσ τὴν θάλασσαν ἐμπεσὼν καὶ διανηξάμενοσ <εἰσ> Σικελίαν, καὶ τὴν πλησίον χώραν διελθὼν τὴν ἀπ’ ἐκείνου κληθεῖσαν Ἰταλίαν Τυρρηνοὶ γὰρ ἰταλὸν τὸν ταῦρον ἐκάλεσαν, ἦλθεν εἰσ πεδίον Ἔρυκοσ, ὃσ ἐβασίλευεν Ἐλύμων. Ἔρυξ δὲ ἦν Ποσειδῶνοσ παῖσ, ὃσ τὸν ταῦρον ταῖσ ἰδίαισ συγκατέμιξεν ἀγέλαισ. παραθέμενοσ οὖν τὰσ βόασ Ἡρακλῆσ Ἡφαίστῳ ἐπὶ τὴν αὐτοῦ ζήτησιν ἠπείγετο· εὑρὼν δὲ ἐν ταῖσ τοῦ Ἔρυκοσ ἀγέλαισ, λέγοντοσ οὐ δώσειν ἂν μὴ παλαίσασ αὐτοῦ περιγένηται, τρὶσ περιγενόμενοσ κατὰ τὴν πάλην ἀπέκτεινε, καὶ τὸν ταῦρον λαβὼν μετὰ τῶν ἄλλων ἐπὶ τὸν Ιὄνιον ἤλαυνε πόντον. ὡσ δὲ ἦλθεν ἐπὶ τοὺσ μυχοὺσ τοῦ πόντου, ταῖσ βουσὶν οἶστρον ἐνέβαλεν ἡ Ἥρα, καὶ σχίζονται κατὰ τὰσ τῆσ Θράκησ ὑπωρείασ· ὁ δὲ διώξασ τὰσ μὲν συλλαβὼν ἐπὶ τὸν Ἑλλήσποντον ἤγαγεν, αἱ δὲ ἀπολειφθεῖσαι τὸ λοιπὸν ἦσαν ἄγριαι. μόλισ δὲ τῶν βοῶν συνελθουσῶν Στρυμόνα μεμψάμενοσ τὸν ποταμόν, πάλαι τὸ ῥεῖθρον πλωτὸν ὂν ἐμπλήσασ πέτραισ ἄπλωτον ἐποίησε, καὶ τὰσ βόασ Εὐρυσθεῖ κομίσασ δέδωκεν. ὁ δὲ αὐτὰσ κατέθυσεν Ἥρᾳ.

일치하는 문장이 없습니다.

SEARCH

MENU NAVIGATION