Anonymous, Homeric Hymns, Εἲσ Δημήτραν 32:

(익명 저작, Homeric Hymns, Εἲσ Δημήτραν 32:)

αὐτὰρ ἐπεὶ τέλεσαν καὶ ἐρώησαν καμάτοιο, βάν ῥ’ ἴμεν οἴκαδ’ ἕκαστοσ· ἀτὰρ ξανθὴ Δημήτηρ ἔνθα καθεζομένη μακάρων ἀπὸ νόσφιν ἁπάντων μίμνε πόθῳ μινύθουσα βαθυζώνοιο θυγατρόσ. αἰνότατον δ’ ἐνιαυτὸν ἐπὶ χθόνα πουλυβότειραν ποίησ’ ἀνθρώποισ καὶ κύντατον· οὐδέ τι γαῖα σπέρμ’ ἀνίει, κρύπτεν γὰρ ἐυστέφανοσ Δημήτηρ· πολλὰ δὲ καμπύλ’ ἄροτρα μάτην βόεσ εἷλκον ἀρούραισ· πολλὸν δὲ κρῖ λευκὸν ἐτώσιον ἔμπεσε γαίῃ· καί νύ κε πάμπαν ὄλεσσε γένοσ μερόπων ἀνθρώπων λιμοῦ ὑπ’ ἀργαλέησ, γεράων τ’ ἐρικυδέα τιμὴν καὶ θυσιῶν ἤμερσεν Ὀλύμπια δώματ’ ἔχοντασ, εἰ μὴ Ζεὺσ ἐνόησεν ἑῷ τ’ ἐφράσσατο θυμῷ. Ἶριν δὲ πρῶτον χρυσόπτερον ὦρσε καλέσσαι Δήμητρ’ ἠύκομον, πολυήρατον εἶδοσ ἔχουσαν. ὣσ ἔφαθ’· ἣ δὲ Ζηνὶ κελαινεφέι Κρονίωνι πείθετο καὶ τὸ μεσηγὺ διέδραμεν ὦκα πόδεσσιν. ἵκετο δὲ πτολίεθρον Ἐλευσῖνοσ θυοέσσησ, εὑρ͂εν δ’ ἐν νηῷ Δημήτερα κυανόπεπλον καί μιν φωνήσασ’ ἔπεα πτερόεντα προσηύδα·

일치하는 문장이 없습니다.

SEARCH

MENU NAVIGATION