Aeschylus, Persians, episode 3:

(아이스킬로스, 페르시아인들, episode 3:)

σάλπιγξ δ’ ἀϋτῇ πάντ’ ἐκεῖν’ ἐπέφλεγεν. εὐθὺσ δὲ κώπησ ῥοθιάδοσ ξυνεμβολῇ ἔπαισαν ἅλμην βρύχιον ἐκ κελεύματοσ, θοῶσ δὲ πάντεσ ἦσαν ἐκφανεῖσ ἰδεῖν. τὸ δεξιὸν μὲν πρῶτον εὐτάκτωσ κέρασ ἡγεῖτο κόσμῳ, δεύτερον δ’ ὁ πᾶσ στόλοσ ἐπεξεχώρει, καὶ παρῆν ὁμοῦ κλύειν πολλὴν βοήν, "ὦ παῖδεσ Ἑλλήνων ἴτε, ἐλευθεροῦτε πατρίδ’, ἐλευθεροῦτε δὲ παῖδασ, γυναῖκασ, θεῶν τέ πατρῴων ἕδη, θήκασ τε προγόνων· νῦν ὑπὲρ πάντων ἀγών. " καὶ μὴν παρ’ ἡμῶν Περσίδοσ γλώσσησ ῥόθοσ ὑπηντίαζε, κοὐκέτ’ ἦν μέλλειν ἀκμή. εὐθὺσ δὲ ναῦσ ἐν νηὶ χαλκήρη στόλον ἔπαισεν· ἦρξε δ’ ἐμβολῆσ Ἑλληνικὴ ναῦσ, κἀποθραύει πάντα Φοινίσσησ νεὼσ κόρυμβ’, ἐπ’ ἄλλην δ’ ἄλλοσ ηὔθυνεν δόρυ. τὰ πρῶτα μέν νυν ῥεῦμα Περσικοῦ στρατοῦ ἀντεῖχεν· ὡσ δὲ πλῆθοσ ἐν στενῷ νεῶν ἤθροιστ’ ἀρωγὴ δ’ οὔτισ ἀλλήλοισ παρῆν, αὐτοὶ δ’ ὑφ’ αὑτῶν ἐμβόλοισ χαλκοστόμοισ παίοντ’, ἔθραυον πάντα κωπήρη στόλον, Ἑλληνικαί τε νῆεσ οὐκ ἀφρασμόνωσ κύκλῳ πέριξ ἔθεινον, ὑπτιοῦτο δὲ σκάφη νεῶν, θάλασσα δ’ οὐκέτ’ ἦν ἰδεῖν, ναυαγίων πλήθουσα καὶ φόνου βροτῶν. ἀκταὶ δὲ νεκρῶν χοιράδεσ τ’ ἐπλήθυον, φυγῇ δ’ ἀκόσμῳ πᾶσα ναῦσ ἠρέσσετο, ὅσαιπερ ἦσαν βαρβάρου στρατεύματοσ. τοὶ δ’ ὥστε θύννουσ ἤ τιν’ ἰχθύων βόλον ἀγαῖσι κωπῶν θραύμασίν τ’ ἐρειπίων ἔπαιον, ἐρράχιζον· οἰμωγὴ δ’ ὁμοῦ κωκύμασιν κατεῖχε πελαγίαν ἅλα, ἑώσ κελαινῆσ νυκτὸσ ὄμμ’ ἀφείλετο. κακῶν δὲ πλῆθοσ, οὐδ’ ἂν εἰ δέκ’ ἤματα στοιχηγοροίην, οὐκ ἂν ἐκπλήσαιμί σοι. εὖ γὰρ τόδ’ ἴσθι, μηδάμ’ ἡμέρᾳ μιᾷ πλῆθοσ τοσουτάριθμον ἀνθρώπων θανεῖν.

상위

Persians (페르시아인들)

목록

일치하는 문장이 없습니다.

SEARCH

MENU NAVIGATION