Aeschylus, Libation Bearers, episode, anapests 1:

(아이스킬로스, Libation Bearers, episode, anapests 1:)

ἐοίκεν ἁνὴρ ὁ ξένοσ τεύχειν κακόν· τροφὸν δ’ Ὀρέστου τήνδ’ ὁρῶ κεκλαυμένην. ποῖ δὴ πατεῖσ, Κίλισσα, δωμάτων πύλασ; λύπη δ’ ἄμισθόσ ἐστί σοι ξυνέμποροσ; Αἴγισθον ἡ κρατοῦσα τοῖσ ξένοισ καλεῖν ὅπωσ τάχιστ’ ἄνωγεν, ὡσ σαφέστερον ἀνὴρ ἀπ’ ἀνδρὸσ τὴν νεάγγελτον φάτιν ἐλθὼν πύθηται τήνδε, πρὸσ μὲν οἰκέτασ θετοσκυθρωπῶν ἐντὸσ ὀμμάτων γέλων κεύθουσ’ ἐπ’ ἔργοισ διαπεπραγμένοισ καλῶσ κείνῃ, δόμοισ δὲ τοῖσδε παγκάκωσ ἔχειν, φήμησ ὕφ’ ἧσ ἤγγειλαν οἱ ξένοι τορῶσ. ἦ δὴ κλύων ἐκεῖνοσ εὐφρανεῖ νόον, εὖτ’ ἂν πύθηται μῦθον. ὦ τάλαιν’ ἐγώ· ὥσ μοι τὰ μὲν παλαιὰ συγκεκραμένα ἄλγη δύσοιστα τοῖσδ’ ἐν Ἀτρέωσ δόμοισ τυχόντ’ ἐμὴν ἤλγυνεν ἐν στέρνοισ φρένα. ἀλλ’ οὔτι πω τοιόνδε πῆμ’ ἀνεσχόμην· τὰ μὲν γὰρ ἄλλα τλημόνωσ ἤντλουν κακά· φίλον δ’ Ὀρέστην, τῆσ ἐμῆσ ψυχῆσ τριβήν, ὃν ἐξέθρεψα μητρόθεν δεδεγμένη, ‐ κἀκ’ νυκτιπλάγκτων ὀρθίων κελευμάτων καὶ πολλὰ καὶ μοχθήρ’ ἀνωφέλητ’ ἐμοὶ τλάσῃ· ‐ τὸ μὴ φρονοῦν γὰρ ὡσπερεὶ βοτὸν τρέφειν ἀνάγκη, πῶσ γὰρ οὔ; τρόπῳ φρενόσ· οὐ γάρ τι φωνεῖ παῖσ ἔτ’ ὢν ἐν σπαργάνοισ, εἰ λιμόσ, ἢ δίψη τισ, ἢ λιψουρία ἔχει· νέα δὲ νηδὺσ αὐτάρκησ τέκνων. τούτων πρόμαντισ οὖσα, πολλὰ δ’, οἰόμαι, ψευσθεῖσα παιδὸσ σπαργάνων φαιδρύντρια, γναφεὺσ τροφεύσ τε ταὐτὸν εἰχέτην τέλοσ. ἐγὼ διπλᾶσ δὲ τάσδε χειρωναξίασ ἔχουσ’ Ὀρέστην ἐξεδεξάμην πατρί· τεθνηκότοσ δὲ νῦν τάλαινα πεύθομαι. στείχω δ’ ἐπ’ ἄνδρα τῶνδε λυμαντήριον οἴκων, θέλων δὲ τόνδε πεύσεται λόγον.

상위

Libation Bearers

목록

일치하는 문장이 없습니다.

SEARCH

MENU NAVIGATION