Aeschylus, Eumenides, episode 7:

(아이스킬로스, 에우메니데스, episode 7:)

οὔτοι προδώσω· διὰ τέλουσ δέ σοι φύλαξ ἐγγὺσ παρεστὼσ καὶ πρόσω δ’ ἀποστατῶν ἐχθροῖσι τοῖσ σοῖσ οὐ γενήσομαι πέπων. καὶ νῦν ἁλούσασ τάσδε τὰσ μάργουσ ὁρᾷσ· ὕπνῳ πεσοῦσαι δ’ αἱ κατάπτυστοι κόραι, γραῖαι παλαιαὶ παῖδεσ, αἷσ οὐ μείγνυται θεῶν τισ οὐδ’ ἄνθρωποσ οὐδὲ θήρ ποτε. κακῶν δ’ ἕκατι κἀγένοντ’, ἐπεὶ κακὸν σκότον νέμονται Τάρταρόν θ’ ὑπὸ χθονόσ, μισήματ’ ἀνδρῶν καὶ θεῶν Ὀλυμπίων. ὅμωσ δὲ φεῦγε μηδὲ μαλθακὸσ γένῃ. ἐλῶσι γάρ σε καὶ δι’ ἠπείρου μακρᾶσ βιβῶντ’ ἀν’ αἰεὶ τὴν πλανοστιβῆ χθόνα ὑπέρ τε πόντον καὶ περιρρύτασ πόλεισ. καὶ μὴ πρόκαμνε τόνδε βουκολούμενοσ πόνον· μολὼν δὲ Παλλάδοσ ποτὶ πτόλιν ἵζου παλαιὸν ἄγκαθεν λαβὼν βρέτασ. κἀκεῖ δικαστὰσ τῶνδε καὶ θελκτηρίουσ μύθουσ ἔχοντεσ μηχανὰσ εὑρήσομεν, ὥστ’ ἐσ τὸ πᾶν σε τῶνδ’ ἀπαλλάξαι πόνων· καὶ γὰρ κτανεῖν σ’ ἔπεισα μητρῷον δέμασ. ἄναξ Ἄπολλον, οἶσθα μὲν τὸ μὴ ’δικεῖν· ἐπεὶ δ’ ἐπίστᾳ, καὶ τὸ μὴ ’μελεῖν μάθε. σθένοσ δὲ ποιεῖν εὖ φερέγγυον τὸ σόν. μέμνησο, μὴ φόβοσ σε νικάτω φρένασ. σὺ δ’, αὐτάδελφον αἷμα καὶ κοινοῦ πατρόσ, Ἑρμῆ, φύλασσε· κάρτα δ’ ὢν ἐπώνυμοσ πομπαῖοσ ἴσθι, τόνδε ποιμαίνων ἐμὸν ἱκέτην ‐ σέβει τοι Ζεὺσ τόδ’ ἐκνόμων σέβασ ‐ ὁρμώμενον βροτοῖσιν εὐπόμπῳ τύχῃ.

일치하는 문장이 없습니다.

SEARCH

MENU NAVIGATION