호흡부호 보기
강세부호 보기
장단부호 보기
작은 Iota 보기
모든 부호 보기
εἰ δέ τίσ με ἔροιτο εἰ καὶ νῦν ἔτι μοι δοκοῦσιν οἱ Λυκούργου νόμοι ἀκίνητοι διαμένειν, τοῦτο μὰ Δία οὐκ ἂν ἔτι θρασέωσ εἴποιμι. οἶδα γὰρ πρότερον μὲν Λακεδαιμονίουσ αἱρουμένουσ οἴκοι τὰ μέτρια ἔχοντασ ἀλλήλοισ συνεῖναι μᾶλλον ἢ ἁρμόζοντασ ἐν ταῖσ πόλεσι καὶ κολακευομένουσ διαφθείρεσθαι.
καὶ πρόσθεν μὲν οἶδα αὐτοὺσ φοβουμένουσ χρυσίον ἔχοντασ φαίνεσθαι·
νῦν δ’ ἔστιν οὓσ καὶ καλλωπιζομένουσ ἐπὶ τῷ κεκτῆσθαι. ἐπίσταμαι δὲ καὶ πρόσθεν τούτου ἕνεκα ξενηλασίασ γιγνομένασ καὶ ἀποδημεῖν οὐκ ἐξόν, ὅπωσ μὴ ῥᾳδιουργίασ οἱ πολῖται ἀπὸ τῶν ξένων ἐμπίμπλαιντο·
νῦν δ’ ἐπίσταμαι τοὺσ δοκοῦντασ πρώτουσ εἶναι ἐσπουδακότασ ὡσ μηδέποτε παύωνται ἁρμόζοντεσ ἐπὶ ξένησ. καὶ ἦν μὲν ὅτε ἐπεμελοῦντο ὅπωσ ἄξιοι εἰε͂ν ἡγεῖσθαι·
νῦν δὲ πολὺ μᾶλλον πραγματεύονται ὅπωσ ἄρξουσιν ἢ ὅπωσ ἄξιοι τούτων ἔσονται. τοιγαροῦν οἱ Ἕλληνεσ πρότερον μὲν ἰόντεσ εἰσ Λακεδαίμονα ἐδέοντο αὐτῶν ἡγεῖσθαι ἐπὶ τοὺσ δοκοῦντασ ἀδικεῖν·
νῦν δὲ πολλοὶ παρακαλοῦσιν ἀλλήλουσ ἐπὶ τὸ διακωλύειν ἄρξαι πάλιν αὐτούσ. οὐδὲν μέντοι δεῖ θαυμάζειν τούτων τῶν ἐπιψόγων αὐτοῖσ γιγνομένων, ἐπειδὴ φανεροί εἰσιν οὔτε τῷ θεῷ πειθόμενοι οὔτε τοῖσ Λυκούργου νόμοισ.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기