헬라어 문장 검색 - ΧενοπήΜινορΩό3́14́

(크세노폰, Minor Works, Λακεδαιμονίων Πολιτεία, chapter 14)

εἰ δέ τίσ με ἔροιτο εἰ καὶ νῦν ἔτι μοι δοκοῦσιν οἱ Λυκούργου νόμοι ἀκίνητοι διαμένειν, τοῦτο μὰ Δία οὐκ ἂν ἔτι θρασέωσ εἴποιμι. οἶδα γὰρ πρότερον μὲν Λακεδαιμονίουσ αἱρουμένουσ οἴκοι τὰ μέτρια ἔχοντασ ἀλλήλοισ συνεῖναι μᾶλλον ἢ ἁρμόζοντασ ἐν ταῖσ πόλεσι καὶ κολακευομένουσ διαφθείρεσθαι.

καὶ πρόσθεν μὲν οἶδα αὐτοὺσ φοβουμένουσ χρυσίον ἔχοντασ φαίνεσθαι·

νῦν δ’ ἔστιν οὓσ καὶ καλλωπιζομένουσ ἐπὶ τῷ κεκτῆσθαι. ἐπίσταμαι δὲ καὶ πρόσθεν τούτου ἕνεκα ξενηλασίασ γιγνομένασ καὶ ἀποδημεῖν οὐκ ἐξόν, ὅπωσ μὴ ῥᾳδιουργίασ οἱ πολῖται ἀπὸ τῶν ξένων ἐμπίμπλαιντο·

νῦν δ’ ἐπίσταμαι τοὺσ δοκοῦντασ πρώτουσ εἶναι ἐσπουδακότασ ὡσ μηδέποτε παύωνται ἁρμόζοντεσ ἐπὶ ξένησ. καὶ ἦν μὲν ὅτε ἐπεμελοῦντο ὅπωσ ἄξιοι εἰε͂ν ἡγεῖσθαι·

νῦν δὲ πολὺ μᾶλλον πραγματεύονται ὅπωσ ἄρξουσιν ἢ ὅπωσ ἄξιοι τούτων ἔσονται. τοιγαροῦν οἱ Ἕλληνεσ πρότερον μὲν ἰόντεσ εἰσ Λακεδαίμονα ἐδέοντο αὐτῶν ἡγεῖσθαι ἐπὶ τοὺσ δοκοῦντασ ἀδικεῖν·

νῦν δὲ πολλοὶ παρακαλοῦσιν ἀλλήλουσ ἐπὶ τὸ διακωλύειν ἄρξαι πάλιν αὐτούσ. οὐδὲν μέντοι δεῖ θαυμάζειν τούτων τῶν ἐπιψόγων αὐτοῖσ γιγνομένων, ἐπειδὴ φανεροί εἰσιν οὔτε τῷ θεῷ πειθόμενοι οὔτε τοῖσ Λυκούργου νόμοισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Xenophon, Minor Works, Λακεδαιμονίων Πολιτεία, chapter 14

(크세노폰, Minor Works, Λακεδαιμονίων Πολιτεία, chapter 14)

상위

목록

SEARCH

MENU NAVIGATION