Xenophon, Minor Works, Ἱππαρχικός, chapter 6

(크세노폰, Minor Works, Ἱππαρχικός, chapter 6)

ἀλλὰ γὰρ οὐδὲν ἄν τισ δύναιτο πλάσαι οἱο͂ν βούλεται, εἰ μὴ ἐξ ὧν γε πλάττοιτο παρεσκευασμένα εἰή ὡσ πείθεσθαι τῇ τοῦ χειροτέχνου γνώμῃ· οὐδέ γ’ ἂν ἐξ ἀνδρῶν, εἰ μὴ σὺν θεῷ οὕτω παρεσκευασμένοι ἔσονται ὡσ φιλικῶσ τε ἔχειν πρὸσ τὸν ἄρχοντα καὶ φρονιμώτερον σφῶν αὐτὸν ἡγεῖσθαι περὶ τῶν πρὸσ τοὺσ πολεμίουσ ἀγώνων. εὐνοϊκῶσ μὲν οὖν ἔχειν καὶ ἐκ τῶνδε εἰκὸσ τοὺσ ἀρχομένουσ, ὅταν φιλοφρόνωσ τε ἔχῃ πρὸσ αὐτοὺσ καὶ προνοῶν φαίνηται ὅπωσ τε σῖτον ἕξουσι καὶ ὅπωσ ἀσφαλῶσ μὲν ἀποχωρήσουσι, πεφυλαγμένωσ δὲ ἀναπαύσονται.

ἐν δὲ ταῖσ φρουραῖσ χρὴ καὶ χιλοῦ καὶ σκηνῶν καὶ ὕδατοσ καὶ φρυγάνων καὶ τῶν ἄλλων ἐπιτηδείων φανερὸν εἶναι ἐπιμελόμενον καὶ προνοοῦντά τε καὶ ἀγρυπνοῦντα ἕνεκα τῶν ἀρχομένων.

καὶ ὅταν γε πλέον ἔχῃ τι, τὸ μεταδοῦναι κερδαλέον τῷ προεστηκότι. ἥκιστα δ’ ἂν καταφρονοῖεν ἄρχοντοσ, ὡσ μὲν συνελόντι εἰπεῖν, εἰ ὁπόσα ἐκείνοισ παραινοίη, αὐτὸσ ταῦτα βέλτιον ἐκείνων φαίνοιτο ποιῶν.

ἀρξάμενον οὖν δεῖ ἀπὸ τοῦ ἀναβαίνειν ἐπὶ τοὺσ ἵππουσ πάντα τὰ ἐν ἱππικῇ μελετᾶν, ὅπωσ ὁρῶσι τὸν ἄρχοντα δυνάμενον ἐπὶ τοῦ ἵππου καὶ τάφρουσ ἀσφαλῶσ περᾶν καὶ τειχία ὑπερακρίζειν καὶ ἀπ’ ὄχθων κατορούειν καὶ ἀκοντίζειν ἱκανῶσ·

πάντα γὰρ ταῦτα προκόπτει τι εἰσ τὸ μὴ καταφρονεῖσθαι. ἢν δὲ δὴ καὶ τάττειν γνῶσιν ἐπιστάμενόν τε καὶ δυνάμενον παρασκευάζειν ὡσ ἂν πλέον ἔχοιεν τῶν πολεμίων, πρὸσ δὲ τούτοισ κἀκεῖνο λάβωσιν εἰσ τὴν γνώμην, ὡσ οὔτ’ ἂν εἰκῇ οὔτ’ ἄνευ θεῶν οὔτε παρὰ τὰ ἱερὰ ἡγήσαιτ’ ἂν ἐπὶ πολεμίουσ, πάντα ταῦτα πιθανωτέρουσ τῷ ἄρχοντι τοὺσ ἀρχομένουσ ποιεῖ.

SEARCH

MENU NAVIGATION