헬라어 문장 검색 - ΧενοπήΜινορΩό1́09́

(크세노폰, Minor Works, Ἀγησίλαος, chapter 9)

ἀλλὰ μὴν ἐρῶ γε ὡσ καὶ τὸν τρόπον ὑπεστήσατο τῇ τοῦ Πέρσου ἀλαζονείᾳ. πρῶτον <μὲν> γὰρ ὁ μὲν τῷ σπανίωσ ὁρᾶσθαι ἐσεμνύνετο, Ἀγησίλαοσ δὲ τῷ ἀεὶ ἐμφανὴσ εἶναι ἠγάλλετο, νομίζων αἰσχρουργίᾳ μὲν τὸ ἀφανίζεσθαι πρέπειν, τῷ δὲ εἰσ κάλλοσ βίῳ τὸ φῶσ μᾶλλον κόσμον παρέχειν. ἔπειτα δὲ ὁ μὲν τῷ δυσπρόσοδοσ εἶναι ἐσεμνύνετο, ὁ δὲ τῷ πᾶσιν εὐπρόσοδοσ εἶναι ἔχαιρε·

καὶ ὁ μὲν ἡβρύνετο τῷ βραδέωσ διαπράττειν, ὁ δὲ τότε μάλιστα ἔχαιρεν ὁπότε τάχιστα τυχόντασ ὧν δέοιντο ἀποπέμποι. ἀλλὰ μὴν καὶ τὴν εὐπάθειαν ὅσῳ ῥᾴονα καὶ εὐπορωτέραν Ἀγησίλαοσ ἐπετήδευσεν ἄξιον κατανοῆσαι.

τῷ μὲν γὰρ Πέρσῃ πᾶσαν γῆν περιέρχονται μαστεύοντεσ τί ἂν ἡδέωσ πίοι, μυρίοι δὲ τεχνῶνται τί ἂν ἡδέωσ φάγοι· ὅπωσ γε μὲν καταδάρθοι οὐδ’ ἂν εἴποι τισ ὅσα πραγματεύονται. Ἀγησίλαοσ δὲ διὰ τὸ φιλόπονοσ εἶναι πᾶν μὲν τὸ παρὸν ἡδέωσ ἔπινε, πᾶν δὲ τὸ συντυχὸν ἡδέωσ ἤσθιεν· εἰσ δὲ τὸ ἀσμένωσ κοιμηθῆναι πᾶσ τόποσ ἱκανὸσ ἦν αὐτῷ. καὶ ταῦτα οὐ μόνον πράττων ἔχαιρεν, ἀλλὰ καὶ ἐνθυμούμενοσ ἠγάλλετο ὅτι αὐτὸσ μὲν ἐν μέσαισ ταῖσ εὐφροσύναισ ἀναστρέφοιτο, τὸν δὲ βάρβαρον ἑώρα, εἰ μέλλοι ἀλύπωσ βιώσεσθαι, συνελκυστέον αὐτῷ ταῖσ ἀπὸ περάτων τῆσ γῆσ τὰ τέρψοντα.

ηὔφραινε δὲ αὐτὸν καὶ τάδε, ὅτι αὐτὸσ μὲν ᾔδει τῇ τῶν θεῶν κατασκευῇ δυνάμενοσ ἀλύπωσ χρῆσθαι, τὸν δὲ ἑώρα φεύγοντα μὲν θάλπη, φεύγοντα δὲ ψύχη, δι’ ἀσθένειαν ψυχῆσ, οὐκ ἀνδρῶν ἀγαθῶν ἀλλὰ θηρίων τῶν ἀσθενεστάτων βίον μιμούμενον.

ἐκεῖνό γε μὴν πῶσ οὐ καλὸν καὶ μεγαλογνῶμον, τὸ αὐτὸν μὲν ἀνδρὸσ ἔργοισ καὶ κτήμασι κοσμεῖν τὸν ἑαυτοῦ οἶκον, κύνασ τε πολλοὺσ θηρευτὰσ καὶ ἵππουσ πολεμιστηρίουσ τρέφοντα, Κυνίσκαν δὲ ἀδελφὴν οὖσαν πεῖσαι ἁρματοτροφεῖν καὶ ἐπιδεῖξαι νικώσησ αὐτῆσ ὅτι τὸ θρέμμα τοῦτο οὐκ ἀνδραγαθίασ ἀλλὰ πλούτου ἐπίδειγμά ἐστι;

τόδε γε μὴν πῶσ οὐ σαφῶσ πρὸσ τὸ γενναῖον ἔγνω, ὅτι ἁρ́ματι μὲν νικήσασ τοὺσ ἰδιώτασ οὐδὲν ὀνομαστότεροσ ἂν εἰή γένοιτο, εἰ δὲ φίλην μὲν πάντων μάλιστα τὴν πόλιν ἔχοι, πλείστουσ δὲ φίλουσ καὶ ἀρίστουσ ἀνὰ πᾶσαν τὴν γῆν κεκτῇτο, νικῴη δὲ τὴν μὲν πατρίδα καὶ τοὺσ ἑταίρουσ εὐεργετῶν, τοὺσ δὲ ἀντιπάλουσ τιμωρούμενοσ, ὅτι οὕτωσ ἂν εἰή νικηφόροσ τῶν καλλίστων καὶ μεγαλοπρεπεστάτων ἀγωνισμάτων καὶ ὀνομαστότατοσ καὶ ζῶν καὶ τελευτήσασ γένοιτ’ ἄν;

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Xenophon, Minor Works, Ἀγησίλαος, chapter 9

(크세노폰, Minor Works, Ἀγησίλαος, chapter 9)

상위

목록

SEARCH

MENU NAVIGATION