Xenophon, Minor Works, Ἀγησίλαος, chapter 4

(크세노폰, Minor Works, Ἀγησίλαος, chapter 4)

περί γε μὴν τῆσ εἰσ χρήματα δικαιοσύνησ ποῖα ἄν τισ μείζω τεκμήρια ἔχοι τῶνδε; ὑπὸ γὰρ Ἀγησιλάου στέρεσθαι μὲν οὐδεὶσ οὐδὲν πώποτε ἐνεκάλεσεν, εὖ δὲ πεπονθέναι πολλοὶ πολλὰ ὡμολόγουν. ὅτῳ δὲ ἡδὺ τὰ αὑτοῦ διδόναι ἐπ’ ὠφελείᾳ ἀνθρώπων, πῶσ <ἂν> οὗτοσ ἐθέλοι τὰ ἀλλότρια ἀποστερεῖν ἐφ’ ᾧ κακόδοξοσ εἶναι; εἰ γὰρ χρημάτων ἐπιθυμοίη, πολὺ ἀπραγμονέστερον τὰ αὑτοῦ φυλάττειν ἢ τὰ μὴ προσήκοντα λαμβάνειν. ὃσ δὲ δὴ καὶ χάριτασ ἀποστερεῖν μὴ ἐθέλοι, ὧν οὐκ εἰσὶ δίκαι πρὸσ τὸν μὴ ἀποδιδόντα, πῶσ ἅ γε καὶ νόμοσ κωλύει ἐθέλοι ἂν ἀποστερεῖν;

Ἀγησίλαοσ δὲ οὐ μόνον τὸ μὴ ἀποδιδόναι χάριτασ ἄδικον ἔκρινεν, ἀλλὰ καὶ τὸ μὴ πολὺ μείζουσ τὸν μείζω δυνάμενον. τά γε μὴν τῆσ πόλεωσ κλέπτειν πῇ ἄν τισ αὐτὸν εἰκότωσ αἰτιάσαιτο, ὃσ καὶ τὰσ αὐτῷ χάριτασ ὀφειλομένασ τῇ πατρίδι καρποῦσθαι παρεδίδου;

τὸ δ’, ὁπότε βούλοιτο εὖ ποιεῖν ἢ πόλιν ἢ φίλουσ χρήμασι, δύνασθαι παρ’ ἑτέρων λαμβάνοντα ὠφελεῖν, οὐ καὶ τοῦτο μέγα τεκμήριον ἐγκρατείασ χρημάτων; εἰ γὰρ ἐπώλει τὰσ χάριτασ ἢ μισθοῦ εὐεργέτει, οὐδεὶσ ἂν οὐδὲν ὀφείλειν αὐτῷ ἐνόμισεν·

ἀλλ’ οἱ προῖκα εὖ πεπονθότεσ, οὗτοι ἀεὶ ἡδέωσ ὑπηρετοῦσι τῷ εὐεργέτῃ, καὶ διότι εὖ ἔπαθον καὶ διότι προεπιστεύθησαν ἄξιοι εἶναι παρακαταθήκην χάριτοσ φυλάττειν. ὅστισ δ’ ᾑρεῖτο καὶ σὺν τῷ γενναίῳ μειονεκτεῖν ἢ σὺν τῷ ἀδίκῳ πλέον ἔχειν, πῶσ οὗτοσ οὐκ ἂν πολὺ τὴν αἰσχροκέρδειαν ἀποφεύγοι;

ἐκεῖνοσ τοίνυν κριθεὶσ ὑπὸ τῆσ πόλεωσ ἅπαντα ἔχειν τὰ Ἄγιδοσ τὰ ἡμίσεα τοῖσ ἀπὸ μητρὸσ αὐτῷ ὁμογόνοισ μετέδωκεν, ὅτι πενομένουσ αὐτοὺσ ἑώρα. ὡσ δὲ ταῦτα ἀληθῆ πᾶσα μάρτυσ ἡ τῶν Λακεδαιμονίων πόλισ. διδόντοσ δ’ αὐτῷ πάμπολλα δῶρα Τιθραύστου, εἰ ἀπέλθοι ἐκ τῆσ χώρασ, ἀπεκρίνατο ὁ Ἀγησίλαοσ·

ὦ Τιθραύστα, νομίζεται παρ’ ἡμῖν τῷ ἄρχοντι κάλλιον εἶναι τὴν στρατιὰν ἢ ἑαυτὸν πλουτίζειν, καὶ παρὰ τῶν πολεμίων λάφυρα μᾶλλον πειρᾶσθαι ἢ δῶρα λαμβάνειν.

일치하는 문장이 없습니다.

SEARCH

MENU NAVIGATION